Aho Vikramarka: హీరోగా మగధీర విలన్ సినిమా.. ఫుల్ యాక్షన్‌తో ఆకట్టుకుంటున్న ట్రైలర్..
దిశ, సినిమా: రామ్ చరణ్ ‘మగధీర’ సినిమాలో విలన్‌గా నటించి తనకంటూ ప్రత్యేక గుర్తింపు తెచ్చుకున్న దేవ్ గిల్ హీరోగా నటిస్తున్న తాజా సినిమా ‘అహో విక్రమార్క’. యాక్షన్ థ్రిల్లర్ మూవీగా తెరకెక్కుతున్న ఈ సినిమాకు రాజమౌళి శిష్యుడు పేట త్రికోటి దర్శకత్వం వహిస్తుండగా.. చిత్ర శుక్లా హీరోయిన్‌గా నటిస్తుంది. వార్డ్ విజర్డ్ ఎంటర్‌టైన్‌మెంట్ బ్యానర్‌పై ఆర్తి దేవిందర్ గిల్ ఈ చిత్రాన్ని నిర్మిస్తున్నాడు.
ఈ చిత్రం ఆగస్టు 30న విడుదల అయ్యేందుకు సిద్ధంగా ఉండగా.. తాజాగా ట్రైలర్ రిలీజ్ చేశారు మేకర్స్. పవర్ ఫుల్ పోలీస్ ఆఫీసర్ పాత్రలో కనిపించిన దేవ్ గిల్.. కష్టాలు ఎదుర్కొంటున్న ప్రజలను కాపాడేందుకు వచ్చినట్లు ట్రైలర్ చూస్తుంటే అర్థం అవుతుంది. ఇక ‘మీసం ఉండేది తిప్పడానికి.. కొమ్ములు ఉండేది పొడవ డానికి’ అంటూ దేవ్ గిల్ చెప్పిన డైలాగ్.. ట్రైలర్‌లో స్పెషల్ అట్రాక్షన్ నిలిచింది. ప్రజెంట్ ఈ ట్రైలర్ సోషల్ మీడియాలో వైరల్ అవుతోంది.
