ఆ పాకిస్తాన్ క్రికెటర్ అంటే క్రష్ .. నటి జయసుధ షాకింగ్ కామెంట్స్
దిశ, సినిమా: సీనియర్ ఎన్టీఆర్, ఏఎన్‌ఆర్, శోభన్ బాబు లాంటి స్టార్ హీరోల సరసన నటించి పర్ఫెక్ట్ జోడి అనిపించుకుంది స్టార్ నటి జయసుధ. కేవలం తెలుగులో మాత్రమే కాకుండా తమిళంలో కూడా కథానాయికగా నటించి సహజ నటిగా గుర్తింపు సొంతం చేసుకుంది. ప్రస్తుతం క్యారెక్టర్ ఆర్టిస్ట్‌గా చేస్తూ.. నేటి జనరేషన్ ఆడియన్స్ ను అలరిస్తుంది.
హీరో, హీరోయిన్లకు తల్లి పాత్రలో నటిస్తూ ప్రేక్షకుల మెప్పు పొందుతుంది. ఇప్పటికి కూడా జయసుధ క్రేజ్ తగ్గకపోవడం రియల్లీ గ్రేట్ అని చెప్పుకోవచ్చు. తాజాగా జయసుధ ఓ ఇంటర్వ్యూకు హాజరై.. పలు ఆసక్తికర విషయాలు పంచుకుంది. ‘నా బాల్యం మొత్తం చెన్నైలోనే గడిచిపోయింది. చపాక్ స్టేడియం పక్కనే మా ఇల్లు ఉండేది. చాలా మంది స్టార్ క్రికెటర్లు నేను చదువుకున్న పాఠశాలలోనే చదువుకున్నారు.
స్టేడియం దగ్గర్లో ఉండటంతో చాలా సార్లు స్టేడియం కు వెళ్లి క్రికెట్ చూసేదాన్ని. అప్పుడు నాకు పాకిస్థాన్ క్రికెటర్ ఇమ్రాన్ ఖాన్ మీద క్రష్ ఏర్పడింది. తను ఎంతో హ్యాండ్సమ్ గా ఉంటాడు. అందుకే తను అంటే నాకు చాలా ఇష్టం ఉండేది. అప్పుడు నేను క్రికెటర్ అవ్వాలనుకున్నా. తర్వాత సినిమాల్లోకి రావాలనుకున్నాను. మూడో ఆప్షన్ టీచర్ అవ్వాలని అనుకున్న’’ అంటూ జయసుధ ఇంటర్వ్యూలో చెప్పుకొచ్చింది.
