ప్రభాస్ ‘కల్కి’ సినిమాపై నటుడు వివాదాస్పద వ్యాఖ్యలు.. ఫైర్ అవుతున్న నెటిజన్లు !
దిశ, సినిమా: పాన్ ఇండియా స్టార్ ప్రభాస్, దీపికా పదుకొణె జంటగా నటించిన చిత్రం ‘కల్కి 2898ఏడి’. ఈ సినిమాను డైరెక్టర్ నాగ్ అశ్విన్ తెరకెక్కించగా.. వైజయంతీ మూవీ బ్యానర్‌ఫై అశ్వినీతద్ నిర్మించాడు. ఈ మూవీలో కమల్ హాసన్, అమితాబ్, దుల్కర్ సల్మాన్, మృణాల్ ఠాకూర్, విజయ్ దేవరకొండ, దిశా పటాని వంటి స్టార్స్ కీలక పాత్రల్లో నటించి సినిమా హైప్‌ను పెంచారు. అయితే ఈ మూవీ జూన్ 27న ప్రపంవ్యాప్తంగా థియేటర్స్‌లో విడుదలై బ్లాక్ బస్టర్ హిట్ టాక్‌తో దూసుకుపోతుంది. అలాగే కలెక్షన్స్ పరంగానూ బాగానే రాబడుతూ బాక్సాఫీసు వద్ద సంచలనం సృష్టిస్తుంది.
అంతేకాకుండా పలువురు సినీ స్టార్స్ ప్రశంసలు అందుకుంటూ చరిత్ర తిరగరాస్తుంది. ఇప్పటికే కల్కిపై టాలీవుడ్, బాలీవుడ్ స్టార్స్ స్పందించి పోస్టులు పెట్టారు. ఈ క్రమంలో.. తాజాగా, నటుడు ముఖేష్ కన్నా కల్కి మూవీపై వివాదాస్పద వ్యాఖ్యలు చేసి వార్తల్లో నిలిచాడు. శక్తిమాన్ చిత్రంతో తెలుగు ప్రేక్షకుల ముందుకు వచ్చిన ఆయన.. యూట్యూబ్ చానల్‌లో భాగంగా.. కల్కిపై తనదైన స్టైల్లో రివ్యూ ఇచ్చాడు. ‘‘ నటన పరంగా 100 మార్కులు ఇస్తాను. అయితే ఈ మూవీ వెస్టర్న్ దేశాల ప్రేక్షకుల కోసమే తప్ప బీహార్, ఒడిశా ప్రజలకు కాదు. ఇది హాలీవుడ్ స్థాయికి బాగా సరిపోతుంది అనిపించింది.
నన్ను క్షమించండి కానీ అక్కడి ప్రజలు మేధావులు అయినప్పటికీ.. కల్కిని అర్థం చేసుకోలేరు’’ అని చెప్పుకొచ్చాడు. ప్రస్తుతం ముఖేష్ చేసిన కామెంట్స్ సోషల్ మీడియాలో దుమారం రేపుతున్నాయి. ఇక ఈ విషయం తెలుసుకున్న నెటిజన్లు ఫైర్ అవుతూ.. అంటే కల్కిని చూసినా అర్థం చేసుకోలేని మూర్ఖుడిని అంటారా? అని ఓ నెటిజన్ మండిపడ్డాడు. అలాగే మరికొందరు ఇలా అనడానికి సిగ్గుపడాలి అని అంటున్నారు.
