Director Souryuv : ఎన్టీఆర్‌తో యాక్షన్ సినిమా.. ఇన్నాళ్లకు క్లారిటీ ఇచ్చిన స్టార్ డైరెక్టర్
దిశ, సినిమా: డైరెక్టర్ శౌర్యువ్ గురించి స్పెషల్‌గా చెప్పాల్సిన పనిలేదు. ‘హాయ్ నాన్న’ చిత్రంతో స్టార్ డైరెక్టర్‌గా గుర్తింపు తెచ్చుకున్న ఈయన.. త్వరలో జూనియర్ ఎన్టీఆర్‌తో ఓ యాక్షన్ మూవీ చెయ్యబోతున్నట్లు ఓ వార్త చక్కర్లు కొట్టిన విషయం తెలిసిందే. శౌర్యువ్ సినిమా కథ ఎన్టీఆర్‌కు చెప్పగా ఆయన కూడా గ్రీన్ సిగ్నల్ ఇచ్చారని న్యూస్ వైరల్ అయింది. అంతే కాకుండా.. ఈ సినిమా రెండు భాగాలుగా రానున్నట్లు.. పార్ట్ 1 2026లో, పార్ట్ 2 20287లో విడుదల చేసేలా ప్లాన్ చేశారని కూడా టాక్ వినిపించింది.
అయితే.. తాజాగా ఓ ఇంటర్వ్యూలో పాల్గొన్న డైరెక్ట్ శౌర్యువ్ ఈ వార్తలపై క్లారిటీ ఇచ్చాడు. ‘సోషల్ మీడియాలో వైరల్ అవుతున్న వార్తల్లో ఎలాంటి నిజం లేదు. దురదృష్టవశాత్తు అది తప్పుడు సమాచారం. ఈ రూమర్స్ ఎక్కడ నుంచి స్టార్ట్ అయ్యాయో నాకు తెలియదు కానీ.. అందులో నిజం లేదు. కానీ ఏదో రోజు ఇవి నిజం అవ్వాలని కోరుకుంటున్న. ఎన్టీఆర్‌తో ఏదో ఒకరోజు సినిమా తీయాలని కోరుకుంటున్న’ అంటూ చెప్పుకొచ్చాడు.
