పవన్ కల్యాణ్ సినిమాపై హైప్ పెంచిన ‘7G బృందావన్ కాలనీ’ హీరో! (వీడియో)
దిశ, వెబ్‌డెస్క్: పవర్ స్టార్ పవన్ కల్యాణ్ అప్‌కమింగ్ సినిమాల్లో హరిహర వీరమల్లు ఒకటి. దీనిని ప్రముఖ నిర్మాత ఏఎమ్ రత్నం నిర్మిస్తున్నారు. క్రిష్ జాగర్లమూడి దర్శకత్వం వహిస్తుండగా.. నిధి అగర్వాల్ హీరోయిన్‌గా నటిస్తోంది. ఇప్పటికే ఈ చిత్రం నుంచి విడుదలైన పోస్టర్లు, గ్లింప్స్‌కు వేరే లెవెల్ రెస్పాన్స్ వచ్చింది. పవన్ కెరీర్‌లోనే భారీ బడ్జెట్‌గా తెరకెక్కుతుండటంతో పాటు మొదటిసారి పాన్‌ ఇండియా లెవెల్‌లో వస్తోన్న పీరియాడికల్ మూవీ కావడంతో భారీగా ప్లాన్ చేశారు. దీంతో ఈ చిత్రంపై అభిమానులు భారీ అంచనాలు పెంచుకున్నారు.
ఇదిలా ఉండగా.. ఈ చిత్రంపై 7G బృందావన్ కాలనీ సినిమా హీరో రవికృష్ణ ఆసక్తికర వ్యాఖ్యలు చేశారు. ‘7G బృందావన్ కాలనీ’ రీ రిలీజ్ సందర్భంగా రవికృష్ణ పలు ఛానళ్లకు ఇంటర్వ్యూ ఇచ్చారు. ఈ సందర్భంగా హరిహర వీరమల్లు చిత్రంపై ఇంట్రెస్టింగ్ కామెంట్స్ చేశారు. ‘అది భారీ చిత్రం. అద్భుతంగా వస్తోంది. ఫ్యాన్స్‌ ఆకలి తీరుస్తుంది. ఆ స్క్రిప్ట్ నాకు తెలుసు’ అని కీలక వ్యాఖ్యలు చేశారు. రవికృష్ణ ఇంటర్వ్యూను ఫాలో అయిన ఫ్యాన్స్‌ సోషల్ మీడియా వేదికగా వీడియోలు పోస్ట్ చేస్తూ ట్రెండ్ చేస్తున్నారు. కాగా, రవికృష్ణ ‘హరిహర వీరమల్లు’ నిర్మాత ఏఎమ్ రత్నం కొడుకు కావడం గమనార్హం.
