మెట్రో రైలులో ‘కోతి’ హల్ చల్.. టెన్షన్‌లో ప్రయాణీకులు
దిశ, వెబ్‌డెస్క్ : మెట్రో రైలులో కోతి హల్ చల్ చేసింది. రైల్లో హుషారుగా తిరుగుతూ.. అందరిని కాసేపు భయపెట్టినా తర్వాత సీట్లో కూర్చుని అద్దాల నుంచి సిటీ అందాలను వీక్షించింది. ఇదంతా ఎక్కడ జరిగింది అనుకుంటున్నారా.. ఢిల్లీలోని యమునా బ్యాంక్ మెట్రో స్టేషన్ మార్గంలో చోటుచేసుకుంది. ఈ వీడియో ప్రస్తుతం సోషల్ మీడియాలో వైరల్‌గా మారింది.
Video: One-way ticket! Monkey taking fun ride in Delhi Metro#delhimetro #MonkeyInMetro #Delhi #DMRC #ViralVideo #Viral pic.twitter.com/rpvfbbVz3H
— Priya Jaiswal (@jaiswalpriyaa) June 20, 2021
అయితే.. మొదట రైలులోకి ప్రవేశించిన కోతి జనాలను చూసి కొంత భయానికి లోనైనా.. ఆ తర్వాత సీట్లో ఓ వ్యక్తి పక్కనే కూర్చుంది. అతడిని కాసేపు టెన్షన్‌కు గురి చేసినప్పటికీ.. ఆ వ్యక్తిని ఏమీ చేయలేదు. తన పని తాను చూసుకుంది. ఇలా మెట్రో రైలులోకి కోతి ప్రవేశించడంపై ఢిల్లీ మెట్రో రైల్వే అధికారులపై నెటిజన్లు ఆగ్రహం వ్యక్తం చేస్తున్నారు. కోతి ప్రయాణీకులకు ఏదైనా హాని చేస్తే పరిస్థితి ఏంటని ప్రశ్నిస్తున్నారు. ఈ నేపథ్యంలో ఢిల్లీమెట్రో రైల్వే స్పందించింది. కోతి ప్రవేశించిన ట్రైన్‌ రూట్‌, స్టేషన్, కోచ్‌ వివరాలు ఇవ్వాలని కోరింది.
