అంతర్జాతీయ వేదికపై మోడీ ప్రసంగం

న్యూఢిల్లీ: ప్రధాని నరేంద్ర మోడీ విశ్వవేదికపై గురువారం ఆన్‌లైన్‌లో ప్రసంగించనున్నారు. యూకేలో మూడు రోజులు ఈనెల 9 నుంచి 11వ తేదీల మధ్యలో ఇండియన్ గ్లోబల్ వీక్ 2020 నిర్వహించనున్నారు. ఈ కార్యక్రమంలో ప్రధాని భారత వాణిజ్యం, విదేశీ పెట్టుబడులపై దృష్టి సారించనున్నట్టు సమాచారం. భారతదేశ ప్రపంచీకరణపై ఇదే అతిపెద్ద అంతర్జాతీయ సదస్సుగా పేర్కొంటున్నారు. బీ ద రివైవల్ థీమ్‌తో సాగనున్న ఈ కార్యక్రమంలో సుమారు ఐదువేల మంది పాల్గొనే అవకాశమున్నదని నిర్వాహకులు తెలిపారు. ప్రధాని మోడీతోపాటు కేంద్రమంత్రులు ఎస్ జైశంకర్, పియూష్ గోయల్, హర్షదీప్ సింగ్ పూరి, రవిశంకర్ ప్రసాద్, మహేంద్రనాథ్ పాండేలూ మాట్లాడనున్నారు. బ్రిటన్ ప్రిన్స్ చార్లెస్ ప్రత్యేక ప్రసంగాన్ని ఇవ్వనున్నట్టు తెలిసింది.