ఇంటింటికి మోడీ సందేశం: సంజయ్

దిశ, న్యూస్‌బ్యూరో: బీజేపీ రెండోసారి అధికారంలోకి వచ్చిన ఏడాది కాలంలో చేసిన అభివృద్ధిపై మోడీ సందేశం పేరిట ఇంటింటికి ప్రచారం చేస్తామని బీజేపీ రాష్ట్ర అధ్యక్షుడు బండి సంజయ్ తెలిపారు. గురువారం హైదరాబాద్‌ బీజేపీ కార్యాలయంలో కోర్ కమిటీ సమావేశం నిర్వహించిన అనంతరం సంజయ్ మాట్లాడుతూ.. కేంద్ర ప్రభుత్వం అభివృద్ధి, సంక్షేమం, చారిత్రక నిర్ణయాలు, ఆత్మ నిర్భర్ భారత్‌పై ఈనెల 30న ఇంటింటికి మోడీ సందేశంలో పేరుతో కార్యక్రమం నిర్వహించనున్నట్లు తెలిపారు. కరోనా నియంత్రణలో రాష్ట్ర ప్రభుత్వ వైఫల్యాలకు నిరసనగా ఈనెల 22న ప్రభుత్వ ఆస్పత్రుల ఎదుట నిరసన వ్యక్తం చేస్తామని పేర్కొన్నారు.