బతుకమ్మ ఉత్సవాల్లో ఆడి పాడిన ఎమ్మెల్సీ కవిత

దిశ ప్రతినిధి, నిజామాబాద్ : నిజామాబాద్ జిల్లా జాక్రానపల్లి మండలం కలిగోట్‌లో జరిగిన బంగారు బతుకమ్మ సంబరాల్లో ఎమ్మెల్సీ కల్వకుంట్ల కవిత పాల్గొన్నారు. ఈ‌ వేడుకల్లో స్వయంగా బతుకమ్మ పాటలు పాడిన ఎమ్మెల్సీ కవిత.. చిత్తూ చిత్తుల బొమ్మ శివుడి ముద్దుల గుమ్మ అంటూ పాటపాడుతూ ఆడబిడ్డలందరిలో ఉత్సాహాన్ని నింపారు. దాదాపు 5 వేల మందికి పైగా ఈ సంబరాల్లో పాల్గొన్నారు. ఎమ్మెల్సీ కవిత స్వయంగా బతుకమ్మ పాటలు పాడుతూ ఉంటే, ఆడపిల్లలలంతా కేరింతలు‌ కొడుతూ కవితని అనుసరించారు. వేలాది మంది ఆడబిడ్డలు ఎనలేని ఉత్సాహంతో బతుకమ్మ ఆడుతుంటే, ప్రాంగణం మొత్తం సరికొత్త శోభను సంతరించుకుంది.