కరోనాను ఎదుర్కోవడానికి ప్రభుత్వం రెడీ : మంత్రి తలసాని

దిశ‌, గండిపేట్: అయ్యప్ప స్వామి ఆశీస్సుల‌తో రాష్ట్ర ప్రజ‌లంద‌రూ సంతోషంగా ఉండాలని మంత్రి త‌ల‌సాని శ్రీ‌నివాస్ యాద‌వ్ అన్నారు. ఆదివారం రంగారెడ్డి జిల్లా నార్సింగి మార్కెట్ క‌మిటీ వైస్ చైర్మెన్ మేక‌ల ప్రవీణ్ యాద‌వ్(గురుస్వామి) ఆధ్వర్యంలో నిర్వహించిన మ‌హా ప‌డిపూజలో మంత్రి త‌ల‌సాని పాల్గొన్నారు. ఈ సంద‌ర్భంగా అయ్యప్ప స్వామిని ద‌ర్శించుకున్న తలసాని మాట్లాడుతూ.. క‌రోనా వ్యాప్తి నేప‌థ్యంలో ప్రజ‌లు అప్రమ‌త్తంగా ఉండాల‌న్నారు. క‌రోనాను ఎదుర్కోవ‌డానికి తెలంగాణ ప్రభుత్వం సిద్ధంగా ఉంద‌న్నారు. ప్రజ‌లు సైతం కరోనా నివార‌ణ‌కు జాగ్రత్తలు పాటించాలని అన్నారు. ఈ మహా పడిపూజలో స్థానిక టీఆర్ఎస్ నాయ‌కులు, కార్యక‌ర్తలు పాల్గొన్నారు.