సబ్బంహరిపై మంత్రి బొత్స ఫైర్

దిశ, వెబ్‌డెస్క్: టీడీపీ నేత సబ్బంహరిపై మంత్రి బొత్స సత్యనారాయణ తీవ్ర స్థాయిలో ఆగ్రహం వ్యక్తం చేశారు. గురువారం మంత్రి మీడియాతో మాట్లాడుతూ.. సబ్బంహరి నోరు అదుపులో పెట్టుకోవాలని సూచించారు. తన వ్యాఖ్యలతోనైనా సబ్బంహరి పశ్చాత్తాపం చెందాలని మంత్రి బొత్స అన్నారు. అక్రమ నిర్మాణం కూల్చివేతపై సీఎం జగన్‌ను ఉద్దేశించి సబ్బంహరి చేసిన వ్యాఖ్యలను ఖండిస్తున్నానని వెల్లడించారు. కాగా, పార్క్ స్థలంలో అక్రమంగా నిర్మించారంటూ విశాఖలోని తన ఇంటి ప్రహరీని అధికారులు కూల్చివేసిన ఘటనను టీడీపీ నేత సబ్బం హరి శనివారం తీవ్రస్థాయిలో ఖండించిన సంగతి తెలిసిందే. ఈ సందర్భంలో ఆయన పలు ఘాటు వ్యాఖ్యలు చేశారు.