అభ‌యార‌ణ్యంలో మంత్రి అల్లోల‌ ఫ్యామిలీ టూర్

దిశ ప్రతినిధి, ఆదిలాబాద్ : నిత్యం తన పనుల్లో బిజీబిజీగా గడిపే మంత్రి అల్లోల ఇంద్రక‌ర‌ణ్‌రెడ్డి శుక్రవారం ఫ్యామిలీతో క‌వ్వాల్ అభ‌యార‌ణ్యంలో సరదాగా గడిపారు. ఉడుంపూర్ అటవీ రెంజ్ పరిధిలోని ఇటీవ‌ల‌ ఏర్పాటు చేసిన ఐ లవ్ కవ్వాల్ టైగర్ రిజర్వ్ సింబల్ వ‌ద్ద కుటుంబ స‌భ్యుల‌తో ఫొటో దిగారు. కల్పకుంట వాచ్‌టవర్ ఎక్కి వ‌న్యప్రాణుల‌ను, అట‌వీ అందాల‌ను వీక్షించారు. అనంతరం గంగాపూర్ అట‌వీ ప్రాంతంలో ప‌ర్యటించారు. అంత‌కు ముందు క‌డెం ప్రాజెక్ట్‌ను సంద‌ర్శించిన బోటులో ప్రయాణించారు.