రేవంత్ రెడ్డి సమక్షంలో భారీ చేరికలు..

దిశ, యాచారం: మండల పరిధిలోని పలువురు నేతలు ఆదివారం టీపీసీసీ అధ్యక్షులు రేవంత్ రెడ్డి సమక్షంలో కాంగ్రేస్ పార్టీ లో చేరారు. ఇబ్రహీంపట్నం మల్ రెడ్డి రంగారెడ్డి, మాజీ ఎంపీపీ రాచర్ల వెంకటేశ్వర్లు ఆధ్వర్యంలో నక్కర్త మేడిపల్లి మాజీ ఎంపీటీసీ మోటే శ్రీశైలం, ఆయనతో పాటు పలువురు వివిధ రాజకీయ పార్టీల నాయకులు, కార్యకర్తలు కాంగ్రెస్ పార్టీలో చేరారు

. ఈ సందర్భంగా మల్ రెడ్డి రంగారెడ్డి.. మాట్లాడుతూ కాంగ్రెస్ పార్టీలో చేరిన వారందరికీ శుభాకాంక్షలు తెలిపారు. టీఆర్ఎస్ పార్టీకి పథనం మొదలైందని అన్నారు. వచ్చే ఎన్నికల్లో కాంగ్రెస్ పార్టీ కి అధికారం లోకి రానుందని ఆశాభావం వ్యక్తం చేశారు.

ఈ కార్యక్రమంలో మండల అధ్యక్షులు మస్కు నర్సింహ, మండల ప్రధాన కార్యదర్శి వరికుప్పల సుధాకర్, వైస్ ఎంపీపీ శ్రీనివాస్ రెడ్డి, డిసిసి కార్యదర్శి అక్బర్, జిల్లా యువజన కాంగ్రెస్ అడ్మిన్ పోలమోని రామకృష్ణ యాదవ్, జిల్లా నాయకులు ముచ్చర్ల సంపత్, గ్రామ అధ్యక్షులు బన్నే జంగయ్య, మాజీ ఎంపీటీసీ అరవింద్, నర్రె శ్రీశైలం, ఐలేష్, పాండు కాంగ్రెస్ నేతలు తదితరులు పాల్గొన్నారు.