డిచ్‌పల్లిలో వ్యక్తి దారుణ హత్య

నిజామాబాద్ జిల్లా డిచ్ పల్లి రైల్వే స్టేషన్ సమీపంలో వ్యక్తి దారుణ హత్యకు గురయ్యాడు.. రైల్వే స్టేషన్ ప్రహరీ గోడకు పక్కన మృతదేహాన్ని గుర్తించిన స్టేషన్ మాస్టర్ పోలీసులకు సమాచారం ఇచ్చాడు. అక్కడికి చేరుకున్న డిచ్ పల్లి పోలీసులు మృతదేహాన్ని పరిశీలించారు. ఎవరో తలపై బండరాయితో మోది హత్య చేసినట్లు పోలీసులు అనుమానం వ్యక్తం చేశారు. మృతుడు డిచ్పల్లి మండలం మిట్టపల్లి గ్రామ వాసి సల్మాన్ గా పోలీసులు గుర్తించారు.. మృతుడికి భార్య, ఇద్దరు పిల్లలు ఉన్నారు. మృతుడు డిచ్ పల్లి మండల కేంద్రంలోని సుగుణ చికెన్ సెంటర్ ‌లో పని చేస్తుంటాడని పోలీసులు తెలిపారు.
త్వరలో నిందితులను పట్టుకుంటామని సీఐ వెంకటేశ్వర్లు చెప్పారు.