మలైకా అరోరా మరో బిజినెస్.. త్వరలో!

దిశ, సినిమా : బాలీవుడ్ ఐటం గర్ల్ మలైకా అరోరా.. సల్మాన్ ఖాన్ తమ్ముడు అర్బాజ్ ఖాన్‌తో విడిపోయిన తర్వాత ఎంటర్‌ప్రెన్యూర్‌గా మారిపోయింది. యంగ్ హీరో అర్జున్ కపూర్‌తో ప్రేమ పాఠాలు వల్లిస్తూ.. మరోవైపు యోగా, ఫిట్‌నెస్‌ పాఠాలు చెబుతున్న మలైకా, ఓ టీవీ షోకు జడ్జిగానూ వ్యవహరిస్తోంది. ఈ క్రమంలోనే మరో ముందడుగు వేసిన భామ.. మంచి కంటెంట్‌ దొరికితే కో-ప్రొడ్యూస్‌ చేయాలని భావిస్తోంది. క్రియేటివ్ ఫీల్డ్‌లోని తన మిత్రుల సహకారంతో ఆడియన్స్‌కు ఫ్రెష్ కంటెంట్ అందించేందుకు సిద్ధమవుతోంది. ఈ దిశగా రెండు సంవత్సరాల కిందటి నుంచే ప్లాన్ చేస్తున్నానన్న హాట్ లేడీ.. ఈ మేరకు ఏర్పాట్లన్నీ పూర్తయ్యాయని, ఇందుకోసం అమేజింగ్ పీపుల్‌తో టైఅప్ అవుతున్నానని చెప్పింది. ఇంతకుముందు ‘సూపర్ డాన్సర్ చాప్టర్ షో’కు జడ్జిగా వ్యవహరించిన భామ.. త్వరలోనే మొదలవనున్న ‘ఇండియాస్ బెస్ట్ డాన్సర్ చాప్టర్ టూ’కు జడ్జిగా వచ్చేందుకు ఎదురుచూస్తోంది. మరోవైపు ఫిట్‌నెస్, హెల్త్‌కు సంబంధించిన సలహాలతో యాప్ కూడా నిర్వహిస్తూ ఎక్కువ మంది యూజర్లను రీచ్ అయ్యేందుకు ప్రయత్నిస్తోంది.