మావోయిస్టు మిలీసియా సభ్యుడు మాడవి బూదు అరెస్ట్

దిశ, ములుగు: జిల్లా కేంద్రంలోని పోలీసు కార్యాలయంలో ములుగు ఎస్పీ సంగ్రామ్ సింగ్ జి పాటిల్ సోమవారం మీడియా సమావేశం ఏర్పాటు చేశారు. ఈ సందర్భంగా ఆయన మాట్లాడుతూ.. మావోయిస్టు మిలిసియా సభ్యుడు మడవి బూదును అరెస్ట్ చేసినట్లు తెలిపారు. నూగూరు వెంకటాపురం సీఐ శివప్రసాద్ సీఆర్పీఎఫ్ 39 బెటాలియన్‌తో కలిసి పామునూరు అటవీ ప్రాంతంలో కూంబింగ్ నిర్వహిస్తుండగా.. చెలిమెల, జెల్ల, పామునూరు, పెద్ద ఉట్లపల్లి, పూజారి కంకెర్ గ్రామాలకి చెందిన మిలిషియా సభ్యులు పేలుడు సామాగ్రిని అమర్చుతూ కనిపించినట్లు ఎస్పీ తెలిపారు.

వారిని వెంబడించగా.. అందులో బూదు దొరకినట్లు తెలిపారు. స్వాధీనపు పంచనామా నిర్వహించి పేలుడు సామాగ్రిని స్వాధీనం చేసుకున్నట్లు చెప్పారు. కేసు నమోదు చేసినట్లు చెప్పారు.