‘మా’లో మరో సంచలనం.. ప్రకాశ్ రాజ్ ప్యానెల్‌కు షాకిచ్చిన మంచు విష్ణు
దిశ, వెబ్‌డెస్క్ : మూవీ ఆర్టిస్టు అసోసియేషన్ (MAA)లో మరో సంచలనం వెలుగుచూసింది. ఎన్నికలు ఫలితాలు వెలువడ్డాక క్రాస్ ఓటింగ్ జరిగిందని, అందువల్లే తాము ఓడిపోయామని ప్రకాశ్ ప్యానెల్ ఆరోపించిన విషయం తెలిసిందే. ఈ నేపథ్యంలోనే మా సభ్యులుగా గెలిచిన 11 మంది తమ రాజీనామాలను అధ్యక్షుడు మంచు విష్ణుకు పంపించారు. ఈ క్రమంలోనే ప్రకాశ్ ప్యానెల్‌కు అధ్యక్షుడు మంచు విష్ణు ఆదివారం షాక్ ఇచ్చారు.
11 మంది సభ్యుల రాజీనామాలను ఆమోదిస్తున్నట్టు తెలిపారు. రాజీనామాలు వెనక్కి తీసుకోవాలని కోరామని, అందుకోసం ఇన్నిరోజులు ఎదురుచూశామన్నారు. వారి నుంచి ఎటువంటి స్పందన లేకపోవడంతో ఈరోజు రాజీనామోలు ఆమోదించినట్టు తెలిపారు. వీరి స్థానంలో కొత్త వారిని తీసుకున్నట్టు తెలిపారు మా అధ్యక్షుడు విష్ణు.. ఇకపోతే మెగాబ్రదర్ నాగబాబు, ప్రకాష్ రాజ్ కూడా మా సభ్యులుగా కొనసాగుతారని చెప్పారు. వారంలోగా మా భవనంపై ప్రకటన చేస్తానని చెప్పారు. ప్రస్తుతం దాని గురించి చర్చలు జరుగుతున్నాయన్నారు.
