వైరల్ వీడియో: సింహాలకు దడ పుట్టించిన పీత

దిశ, వెబ్‌డెస్క్ : ఎంత రాజైనా ఎక్కడో ఓచోట తగ్గక తప్పదు అన్నట్టైంది మన అడవి రాజు పరిస్థితి. అడివికి రాజైనా చిన్న పీతను ఏమీ చేయలేక పోవడం అందరిని ఆశ్చర్యానికి గురి చేస్తుంది. సింహాం, పీత మధ్య జరిగిన ఈ సన్నివేశం ప్రస్తుతం సోషల్ మీడియాలో తెగ వైరల్ అవుతుంది. ఇక విషయానికి వస్తే.. దక్షిణాఫ్రికాలోని గేమ్ రిజర్వ్‌లో ఓ చిన్న పీత.. నా దారి రహాదారి అంటూ చెంగు చెంగున వెళ్తుంది. అక్కడే ఉన్న ఓ సింహం దాన్ని చూస్తూ ఉంది. కొద్ది సేపు దాన్ని వెంబడించింది.

ఒక్కొక్కరిని కాదు షేర్కాన్ వంద మందిని ఒకే సారీ రమ్మను అని డైలాగ్ పీత చెప్పకపోయినా.. దండ యాత్ర ఇది అడవిరాజు దండయాత్ర అంటూ పీతను వెంబడిచడం మొదలు పెట్టింది. దాంతో ఆ పీత తనకు రక్షణగా ఉండే ముందు కాళ్లను ఎత్తి సింహం వైపు చూపించింది. నువ్వు అడవికి రాజైనా నాకేం భయం లేదు అన్నట్టుగా చూసి తన దారిన తాను వెళ్లి పోతోంది. ఇక అక్కడ ఉన్న సింహాలు ఏమనుకున్నాయో.. మా మృగరాజుకే భయపడవా నీ సంగతి చెప్తాం అన్నట్టుగా ఒకే సారి పీతను చుట్టు ముట్టాయి. ఆయిన పీత భయపడలేదు.. నువ్వు నన్ను ఏం చేయలేవురా.. అన్నట్టుగా చూస్తూ దాని గూటికి అది చేరింది. చిన్న పీతను ఏమీ చేయలేని నిస్సాయ స్థితిలో మన అడవి రాజులు మిగిలి పోయాయి. గుండె బలం, ఆత్మస్థైర్యం ఉంటే ఎంత పెద్ద సమస్యనైనా ఎదుర్కోవచ్చు అని మనం పీత నుంచి తెలుసుకోవచ్చు.