Viral Fever: రోజు రోజుకు పెరుగుతున్న వైరల్ ఫీవర్ కేసులు.. లక్షణాలు ఇవే
దిశ, ఫీచర్స్: వర్షాకాలం మొదలైదంటే చాలు.. ఎక్కడ లేని వ్యాధులు మొత్తం వస్తాయి. జలుబు, దగ్గు, గొంతు నొప్పి తో బాధ పడుతుంటారు. ఇమ్మ్యూనిటీ పవర్ తగ్గిన వారిలో ఎక్కువగా వైరల్ ఫీవర్ వస్తుంది. పసి పిల్లల నుంచి పెద్దల వరకు ఈ ఇన్‌ఫెక్షన్ కు గురవుతుంటారు.
ఈ వైరల్ ఫీవర్ అంటువ్యాధి. ఇది చాలా ఈజీగా వేరే వారికి సోకుతుందని నిపుణులు చెబుతున్నారు. ఈ వైరల్ జ్వరం వచ్చిన వ్యక్తి దగ్గినప్పుడు కానీ మాట్లాడినప్పుడు కానీ నోటి నుంచి వెలువడే తుంపరలలో ఉండే బ్యాక్టీరియా వేరే వ్యక్తి శరీరంలోకి వెళ్తుంది. ఈ విధంగా ఒకసారి శరీరంలోకి వెళ్లిన తర్వాత వైరల్ ఇన్‌ఫెక్షన్‌గా మారుతుంది.
వైరల్ ఫీవర్ లక్షణాలు
జ్వరం, నీరసం , చలి, లో బీపీ, గొంతునొప్పి, హిమోగ్లోబిన్ తగ్గిపోవడం, గొంతు మంట,చర్మం దద్దుర్లు, వాంతులు వంటివి లక్షణాలు కనిపిస్తాయి. ఇవి మీలో కనిపిస్తే అసలు నిర్లక్ష్యం చేయకండి. వైరల్ ఫీవర్ వచ్చిన పిల్లల్లో ఇమ్మ్యూనిటీ పవర్ తక్కువగా ఉంటే వారిని జాగ్రత్తగా చూసుకోవాలి.
గమనిక: ఇక్కడ అందించిన సమాచారం ఇంటర్నెట్ నుంచి తీసుకోబడింది. ‘దిశ’ ఈ విషయాలను దృవీకరించడం లేదు.
