చూయింగ్ గమ్ మింగేశారా? ఆ తర్వాత ఏం జరుగుతుందంటే.. పిల్లలకు ప్రమాదమే..

దిశ, ఫీచర్స్: చూయింగ్ గమ్ నమలడాన్ని చాలా మంది ఇష్టపడుతారు. కానీ అనుకోకుండా మింగేస్తే మాత్రం గాబరా పడిపోతారు. కడుపులో ఏం జరుగుతుందో, పేగుల్లోనే ఉండిపోయి అనారోగ్యానికి కారణమవుతుందేమోననే భయంతో ఉండిపోతారు. కానీ అలాంటి ఆందోళనలు వద్దంటున్నారు నిపుణులు. దీనివల్ల పెద్దల్లో ఎలాంటి ప్రతికూల ప్రభావాలు ఉండవని చెప్తున్నారు. కడుపు ద్వారా ప్రయాణించిన గమ్.. విసర్జించబడుతుందని, అయితే దీన్ని ప్రాసెస్ చేసేందుకు జీర్ణవ్యవస్థ కాస్త ఎక్కువ సమయం తీసుకుంటుందని వివరించారు. కొన్నిసార్లు జీర్ణాయశంలో అడ్డంకులు ఏర్పడి వికారంగా అనిపించవచ్చు. కానీ చూయింగ్ గమ్ వల్ల పెద్దగా దుష్ప్రభావాలు ఏవీ నివేదించబడలేదు.

అయితే పిల్లలు చూయింగ్‌ గమ్ మింగడం వల్ల ఆరోగ్య సమస్యలు వచ్చే అవకాశం ఎక్కువ. పెద్దమొత్తంలో గమ్ మింగిన పిల్లవాడు.. ప్రత్యేకించి ఇప్పటికే మలబద్ధకంతో ఉంటే, వారి ప్రేగులలో అడ్డంకి ఏర్పడవచ్చు. తరువాత అది ఇతర ఆహారేతర వస్తువులతో పెద్ద ద్రవ్యరాశిని ఏర్పరుస్తుంది. ఈ అడ్డంకులు విపరీతమైన అసౌకర్యం, వికారం, మలబద్ధకం కలిగిస్తాయి.

గమ్ ఎక్కువగా.. గమ్ బేస్ లేదా గమ్ కోర్‌తో తయారు చేయబడింది. దీనికి పూత పూయవచ్చు, లేకపోవచ్చు. గమ్ బేస్ రెసిన్లు, ప్లాస్టిసైజర్లు, పాలిమర్లతో రూపొందించబడింది. ఫుడ్-గ్రేడ్ సాఫ్ట్‌నర్‌స్, ప్రిజర్వేటివ్స్, స్వీటెనర్స్, రంగులు, రుచులతో కూడా కలపవచ్చు. తరచుగా గమ్‌లో గట్టి పాలియోల్ పూత కూడా ఉంటుంది. ఇది ఆరోగ్యానికి నష్టం కలిగించవచ్చు. కాబట్టి పిల్లలు చక్కెర రహిత గమ్ తీసుకోవచ్చు. కానీ రోజుకు ఒక ముక్క మాత్రమే తినాలని సూచిస్తున్నారు నిపుణులు.

డాక్టర్‌ను సంప్రదించాలి..

గమ్ మింగినప్పుడు కింది లక్షణాలున్నప్పుడు కచ్చితంగా వైద్యుడిని సంప్రదించాలని సూచిస్తున్నారు నిపుణులు.

* పొత్తి కడుపు నొప్పి

* మలబద్ధకం

* శరీరంలో అధిక సంపూర్ణత లేదా ఎడెమా

* బాధాకరమైన తిమ్మిరి

* వాంతులు

Also Read..

ఒంటరిగా ఉంటే అలా ఉండాలని నా భార్య ఫోర్స్ చేస్తోంది.. పేరెంట్స్‌ను కూడా ఉండనివ్వట్లే..