ఇందూరుకు చేరుకున్న మంత్రి దామోదర రాజనర్సింహ..

దిశ ప్రతినిధి, నిజామాబాద్ : నిజామాబాద్ లో దాదాపు రూ. 39 కోట్ల కేంద్ర రాష్ట్ర ప్రభుత్వాల నిధులతో నిర్మించిన మాతా శిశు సంక్షేమ దవాఖాన (ఎంసీహెచ్) తో పాటు క్రిటికల్ కేర్ యూనిట్ ప్రారంభోత్సవానికి హెల్త్ మినిస్టర్ దామోదర రాజనర్సింహ, టీపీసీసీ ప్రెసిడెంట్ తో కలిసి ఆదివారం నిజామాబాద్ కు వచ్చారు.

హైదరాబాద్ నుంచి హెలికాప్టర్లో ఆయన మధ్యాహ్నం నిజామాబాద్ కు చేరుకున్నారు. నిజామాబాద్ కలెక్టరేట్ ప్రాంగణంలో హెలికాప్టర్ ల్యాండ్ కాగానే జిల్లా కలెక్టర్ రాజీవ్ గాంధీ హనుమంతు, అడిషనల్ సీపీ (లా అండ్ ఆర్డర్) బస్వారెడ్డి, రాష్ట్ర ప్రభుత్వ సలహాదారు షబ్బీర్ అలీ, బోధన్ ఎమ్మెల్యే సుదర్శన్ రెడ్డి, డీసీసీ ప్రెసిడెంట్ మానాల మోహన్ రెడ్డి, తాహెర్ బిన్ హందాన్, నుడా చైర్మన్ కేశవ వేణు తదితరులు పూల బొకేలతో ఆయనకు ఘనస్వాగతం పలికారు.