రేసింగ్ ట్రాక్‌పై డాగ్ రేస్.. నెట్టింట వీడియోలు వైరల్
దిశ, డైనమిక్ బ్యూరో : హైదరాబాద్‌లోని హుస్సేన్‌సాగర్ వద్ద ఆదివారం జరిగిన ఇండియన్ రేసింగ్ లీగ్‌లో ఓ వింత ఘటన చోటుచేసుకుంది. ఆదివారం రేసింగ్ మొదలయ్యే ముందు రేసింగ్ లీగ్ కోసం ఏర్పాటు చేసిన ట్రాక్ పై ఓ డాగ్(కుక్క) ప్రత్యక్షమయ్యింది. ట్రాక్‌పై డాగ్ పరిగెడుతున్న వీడియోను రేసింగ్ కి వెళ్లిన పలువురు సోషల్ మీడియాలో షేర్ చేస్తున్నారు. వీడియోను చూసిన నెటిజన్లు రకరకాలుగా స్పందిస్తున్నారు. ఓ నెటిజన్ కామెంట్ చేస్తూ.. మీతో పాటు నేను కూడా రేసింగ్‌లో పాల్గొంటానంటూ ఆ కుక్క పరిగెడుతుందని వ్యంగ్యంగా కామెంట్ చేశాడు. మరో నెటిజన్ కామెంట్ చేస్తూ..రేసింగ్ లీగ్‌లో ఈ విధంగా ట్రాక్‌పై కుక్క పరిగెత్తడం ప్రమాదకరమని.. సిబ్బంది, అధికారులు జాగ్రత్తగా ఉండకపోవడం దీనికి కారణం. ఒకవేళ రేసర్లు వచ్చే సమయంలో కుక్క పరిగెట్టడం ప్రమాదం జరిగే అవకాశాలు ఉంటాయని సీరియస్ అవుతున్నారు. కాగా, ప్రస్తుతం ఈ వీడియో ఇంటర్నెట్ లో వైరల్ అవుతుంది.
