పిల్లలు జాగ్రత్త.. సమ్మర్‌లో వడదెబ్బకు గురయ్యే అవకాశం
దిశ, ఫీచర్స్: సమ్మర్‌ హాలీడేస్ వచ్చాయంటే ఆటలతో బిజీ అయిపోతుంటారు పిల్లలు. అందులోనూ ఎండలో ఆడుకునేందుకే ఇంట్రెస్ట్ చూపేవారు లేకపోలేరు. అయితే అలాంటి పిల్లల విషయంలో జాగ్రత్తగా ఉండాలని సూచిస్తున్నారు నిపుణులు. ఈ సమయంలో డీహైడ్రేషన్‌కు గురయ్యే అవకాశం ఎక్కువగా ఉందని, తగిన జాగ్రత్తలు పాటించాలని సూచిస్తున్నారు. వాటర్ తాగుతున్నారో లేదో నిర్ధారించుకోవాలని.. విపరీతమైన దాహం, నోరు ఎండిపోవడం, బలహీనత, మైకం, తలనొప్పి, వాంతులు, మూత్ర విసర్జనలో తగ్గుదల, కళ్లు లోపలికి పోవడం, చిరాకు, అలసట వంటి నిర్జలీకరణ లక్షణాలు కనిపిస్తే వెంటనే డాక్టర్‌ను సంప్రదించాలని హెచ్చరిస్తున్నారు.
ఇక సూర్య కిరణాల నుంచి పిల్లలను రక్షించుకునేందుకు 30 లేదా అంతకంటే ఎక్కువ SPF ఉన్న సన్‌స్క్రీన్‌ను వినియోగించండి. చర్మాన్ని కప్పి ఉంచేలా దుస్తులు, క్యాప్ ధరించారని నిర్ధారించుకోండి. ఎండలో గేమ్స్ ఆడుతున్నప్పుడు నీడలో విరామాలు తీసుకునేలా ప్రోత్సహించాలి. డైరెక్ట్ సన్ ఎక్స్‌పోజ్‌కు పరిమితం చేయాలి. రోజంతా విరామం లేకుండా ఆడుతున్న పిల్లలు.. జెర్మ్స్‌కు గురయ్యే అవకాశాలు లేకుండా చేతులు శుభ్రం చేసుకుంటున్నారా లేదా చూసుకోవాలి. రాత్రి బాగా నిద్రపోతున్నారో లేదో నిర్ధారించుకోవడం మంచిది. వారికి కనీసం ఎనిమిది గంటల నిద్ర అవసరం.
ఇవి కూడా చదవండి: సమ్మర్‌లో డీహైడ్రేషన్.. ఇన్‌ఫ్యూజ్డ్ వాటర్‌తో బెస్ట్ రిజల్ట్స్
