మొటిమలతో బ్రెయిన్ ఇన్ఫెక్షన్.. అక్కడ వస్తే మాత్రం గిల్లకండి..
దిశ, ఫీచర్స్: ముఖం మీద మొటిమలు రావడం కామన్. అయితే కొందరు ఇంటి చిట్కాలతో వాటికి బై బై చెప్పేస్తే.. కొందరు మాత్రం వాటిపై యుద్ధమే ప్రకటిస్తారు. పింపుల్ ను గిచ్చి గిచ్చి వదిలేస్తారు. అయితే ఫేస్ మీద ఏ ప్లేస్ లో ఇలా చేసినా పర్లేదు కానీ ' ద డేంజర్ ట్రైయాంగిల్' లో మాత్రం అలా చేయకూడదని హెచ్చరిస్తున్నారు నిపుణులు. ఒకవేళ చేస్తే బ్రెయిన్ ఇన్ఫెక్షన్ వచ్చే ఛాన్స్ ఉందని హెచ్చరిస్తున్నారు.
డేంజరస్ ట్రైయాంగిల్ అనేది ముక్కు వంతెన నుంచి నోటి మూలల వరకు విస్తరించి ఉన్న త్రిభుజాకార ప్రాంతం. ఈ ప్రాంతంలో చర్మం కింద ఉన్న సిరలు మెదడుకు డైరెక్ట్ కనెక్షన్ కలిగి ఉంటాయి. ఈ ఏరియాలో మొటిమలు అయినప్పుడు వాటిని చిదిమేస్తే.. అక్కడ పేరుకుపోయిన బ్యాక్టీరియా రక్తనాళాల్లోకి ఈజీగా చేరిపోతుంది. ఇన్ఫెక్షన్లు త్వరగా వ్యాపించి మెదడుపై ప్రభావం చూపుతాయి. అందుకే నిపుణులు ఇలా మొటిమలను స్క్విజ్ చేయకూడదని.. యాంటీబ్యాక్టీరియల్ ప్రొడక్ట్స్ యూజ్ చేయాలని సూచిస్తున్నారు.
