ఆల్కహాల్ తీసుకుంటే ముఖం ఎర్రబడుతుందా?.. ప్రాణాంతకమే..?

దిశ, ఫీచర్స్: సాధారణంగా ఆల్కహాల్ తీసుకున్న తర్వాత కొందరి శరీరం, ముఖం ఎర్రగా మారిపోతుంది. దీన్నే ఆల్కహాల్ ఫ్లషింగ్ రియాక్షన్ లేదా ఆసియన్ గ్లో అని పిలుస్తుంటారు. ఇది ఆల్డిహైడ్ డీడ్రోజినేస్ 2 (ALDH2) అనే ఎంజైమ్‌ లోపం ద్వారా సంక్రమించే జన్యుపరమైన ఫలితం కాగా దీన్ని ALDH2*2 అని కూడా అంటారు. ప్రపంచ జనాభాలో దాదాపు 8 శాతం మందిని ప్రభావితం చేసే ఈ జన్యు వైవిధ్యం ప్రాణాంతక ప్రభావాలను కలిగిస్తుందని గుర్తించారు పరిశోధకులు. ఈ జీన్ వేరియంట్ ఉన్నవారికి గుండె జబ్బులు వచ్చే ప్రమాదం ఎక్కువగా ఉంటుందని.. ఇలాంటి లక్షణాలు కనిపిస్తే మద్యపాన అలవాట్లను పునఃపరిశీలించుకోవాలని సూచిస్తున్నారు.

ఆల్కహాల్ వినియోగానికి ప్రతిస్పందనగా ఈ వేరియంట్ రక్తనాళాల వాపును కలిగిస్తుంది. శరీరం అంతటా రక్త ప్రవాహాన్ని పరిమితం చేసి, కొరోనరీ ఆర్టరీ వ్యాధికి దారితీయవచ్చు. ప్రయోగంలో ఈ వేరియంట్‌ను కలిగిన ఎలుకలు వాస్కులర్ డిలేటేషన్‌ను బలహీనపరిచాయని, వాటికి ఆల్కహాల్‌తో చికిత్స చేసినప్పుడు వాస్కులర్ పరిమాణం విస్తరించిందని తెలిపారు. పెరిగిన వాస్కులర్ మందం.. బలహీనమైన వాస్కులర్ సంకోచం, విశ్రాంతిని ప్రదర్శించాయి. అంటే ALDH2*2 ఉన్న వ్యక్తులు బలహీనమైన వాస్కులర్ ఫంక్షన్‌తో బాధపడుతున్నారని.. ఆల్కహాల్ కొద్ది పరిమాణంలో తీసుకున్నా ప్రమాదకరమేనని హెచ్చరిస్తున్నారు. ప్రత్యేకించి గుండె జబ్బులు, అధిక రక్తపోటు, అధిక కొలెస్ట్రాల్‌తో కూడిన ఫ్యామిలీ హిస్టరీ ఉంటే వెంటనే ఈ అలవాటును మానుకోవాలని సూచిస్తున్నారు.

ఇవి కూడా చదవండి:

పిల్లలను కనాలన్నా.. వారిని పెంచి పోషించాలన్నా అది కీలకం..