కొలంబస్ రైడ్‌లో ఒంటిరిగా కూర్చున్న చిన్నారి.. షాక్‌లో నెటిజన్లు! (వీడియో)
దిశ, వెబ్‌డెస్క్ః ఎమ్యూజ్‌మెంట్ పార్క్ చూడ‌టానికి బాగానే ఉంటుంది కానీ చాలా మందికి అక్క‌డ ర‌క‌ర‌కాల రైడ్‌లు చేయాలంటే మాత్రం వ‌ణికిపోతారు. ఆకాశ‌నికెత్తి ఛ‌టుక్కున్న కిందికొదిలేసే రైడింగ్ చేస్తుంటే ప్రాణాలు గాల్లోనే క‌లిసిపోయినంత భ‌య‌ప‌డ‌తారు చాలా మంది. అయితే, ఇక్క‌డ ఇంట‌ర్నెట్‌లో హ‌ల్‌చ‌ల్ చేస్తున్న ఓ వీడియో మాత్రం ఆశ్చ‌ర్యాన్నే కాదు, చాలా మందికి ఆగ్ర‌హాన్ని కూడా తెప్పించింది. అయితే, ఆ వీడియోలో ఉన్న బుడ్డోడు మాత్రం మీరు ఏమ‌న్నా అనుకోండి నాకైతే ఎలాంటి ఫీలింగ్ లేదు, స‌రిక‌దా ఊయ‌ల్లో హాయిగా నిద్ర‌స్తుందన్న‌ట్లు కూర్చున్నాడు. అదేదో కుర్చీలో అనుకునేరు..! కాదు, కొలంబస్ రైడ్‌లో..!! ఇప్పుడు ఈ పసిపిల్లాడి వీడియో నెట్టింట్లో వైరల్ అయ్యింది.
తల్లిదండ్రులు లేకుండా ఒంటరిగా కూర్చున్న పసిపిల్లాడిని చూసి, నెటిజన్లు ప్రశ్నల వ‌ర్షం కురిపించారు. మొద‌ట వైరల్ హాగ్ యూట్యూబ్ ఛానెల్‌ల్లో వ‌చ్చిన ఈ వీడియో ఇప్పుడు పీపుల్ మ్యాగజైన్ ఇన్‌స్టాగ్రామ్ హ్యాండిల్‌లో పోస్ట్ చేయ‌గా, మిలియన్ల కొద్దీ వ్యూవ్స్ వ‌స్తున్నాయి. ఇంత చిన్న పిల్లవాడు ఒంటరిగా ఎందుకు ఉన్నాడు? అతనితో పాటు తల్లిదండ్రులు ఎవరూ ఎందుకు రైడ్‌లో లేరంటూ కొందరు ఆశ్చర్యంతో పాటు ఆగ్ర‌హం వ్య‌క్తం చేస్తున్నారు. మరికొందరు, ఈ రైడ్‌లో భద్రతా చ‌ర్య‌లు ఏమీ తీసుకోలేదని, ఇది చాలా ప్రమాదకరమని అన్నారు. ఏదేమైనా, ఆ పిల్లాడి ధైర్యానికి, అమాయ‌క‌త్వానికి నెట్టింట్లో అంతా షాక‌య్యారు! మీరూ చూడండి..
