జుట్టు అమ్మి లక్షలు సంపాదిస్తున్న మోడల్.. ఎక్కడో తెలుసా..
దిశ, ఫీచర్స్ : డబ్బు సంపాదించడానికి అనేక మార్గాలు ఉంటాయి. కానీ జుట్టు అమ్మడం ద్వారా ఎవరైనా కోటీశ్వరులు కావడం మీరు ఎప్పుడైనా చూశారా. ఈ రోజుల్లో అలాంటి ఒక మహిళ సోషల్ మీడియాలో తెగ వైరల్ అవుతోంది. ప్రజలు కూడా తన జుట్టును కొనడానికి పిచ్చిగా ఉన్నారని, వారి డిమాండ్‌ను తాను తీర్చలేకపోతున్నానని పేర్కొంది. తన వెంట్రుకలను అమ్మి ఇప్పటివరకు రూ.25 లక్షలు సంపాదించినట్లు ఆ మహిళ పేర్కొంది. అంతే కాదు తన లాగ ఎవరైనా ఇంట్లో కూర్చొని ఈ వ్యాపారం ప్రారంభించి లక్షలు సంపాదించవచ్చని కూడా చెబుతోంది ఈ మహిళ.
డైలీ స్టార్ నివేదిక ప్రకారం 21 ఏళ్ల అమండా లియోన్ వృత్తిరీత్యా మోడల్. ఇన్‌స్టాగ్రామ్‌లో ఆమెకు కోట్లాది మంది అభిమానులు ఉన్నారు. ఇటీవల ఓ ఫాలోవర్ తనకు మెసేజ్ చేసి నీ జుట్టు చాలా అందంగా ఉందని చెప్పాడని అమండా చెప్పింది. ఒక వేళ జుట్టు ఇవ్వడానికి సిద్ధమైతే దానికి బదులుగా 71 పౌండ్లు (దాదాపు 7 న్నర వేల రూపాయలు) ఇస్తానని కూడా అడిగాడు. ఆ మాట విన్న అమండా దీన్ని తన వ్యాపారంగా చేసుకుంది.
ఆ వ్యక్తి డిమాండ్ కారణంగానే తనకు వ్యాపార ఆలోచన వచ్చిందని ఆయన అన్నారు. దీని తర్వాత బాడీ హెయిర్ కొనడానికి లక్షలు వెచ్చించడానికి సిద్ధంగా ఉన్నవాళ్లు ఎంత మంది ఉన్నారో సోషల్ మీడియాలో తెలుసుకోవడానికి ప్రయత్నించాను. అప్పటి నుండి ఆమె తన జుట్టును అమ్మి 24000 పౌండ్లు (అంటే రూ. 25 లక్షలు) సంపాదించినట్లు అమండా తెలిపింది.
మరో విషయం ఏమిటంటే కొన్ని రోజుల క్రితం ఈ మోడల్ స్నానం చేసిన నీటిని విక్రయించడం ద్వారా ఇంటర్నెట్‌లో వైరల్ అయ్యింది. అప్పుడు నిశ్చితార్థం కోసం డబ్బు వసూలు చేస్తున్నట్లు మోడల్ చెప్పింది.
కొంతమందికి తన వ్యాపారం వింతగా అనిపించవచ్చు, కానీ ఇతరుల ముఖాల్లో ఆనందాన్ని చూడటం చాలా సంతోషంగా ఉందని మహిళ చెప్పింది. ఈ రకమైన వింత వ్యాపారం ద్వారా చాలా డబ్బు సంపాదిస్తున్న మహిళ అమండా మాత్రమే కాదు, లండన్‌కు చెందిన 27 ఏళ్ల కెమిల్లె అలెగ్జాండర్ కూడా చంక వెంట్రుకలను అమ్మడం ద్వారా పెద్ద మొత్తంలో డబ్బు సంపాదిస్తోంది.
