‘ఆదిపురుష్’ సీత తనేనా?

దిశ, వెబ్‌డెస్క్:
యంగ్ రెబల్ స్టార్ ప్రభాస్ లేటెస్ట్ మూవీ అనౌన్స్‌మెంట్ ఫ్యాన్స్‌కు కిక్ ఇచ్చింది. ‘ఆదిపురుష్’ టైటిల్‌తో ప్రభాస్ స్ట్రెయిట్ బాలీవుడ్ సినిమా చేస్తుండటంతో ఫుల్ ఖుష్ అయ్యారు ఫ్యాన్స్. అంతేకాదు ఈ సినిమాలో ప్రభాస్ రాముడిగా కనిపిస్తాడని తెలిసి మరింత మురిసిపోయారు అభిమానులు. ఓం రౌత్ దర్శకత్వంలో వస్తున్న ఈ సినిమా అత్యంత భారీ బడ్జెట్‌తో తెరకెక్కిస్తున్నారు. హిందీతో పాటు తెలుగు, తమిళ్, మలయాళం, కన్నడ భాషల్లో రూపుదిద్దుకుంటున్న సినిమాలో రాముడి పక్కన సీతమ్మగా ఎవరైతే బాగుంటుంది? అసలు ఎవరిని సెలెక్ట్ చేస్తారనే విషయంపై ఇండస్ట్రీలో పెద్ద చర్చే నడుస్తోంది.

ఈ క్రమంలో ‘ఆదిపురుష్’ సినిమా ప్రకటించగానే సీతమ్మగా మహానటి పాత్రలో జీవించిన కీర్తి సురేష్‌ను తీసుకుంటారని ప్రచారం జరిగింది. ఆ తర్వాత పాన్ ఇండియా మూవీ కాబట్టి ప్రియాంక చోప్రాను సంప్రదించారని.. తానే ప్రభాస్ హీరోయిన్‌గా కన్‌ఫర్మ్ అయిపోయిందనే టాక్ వినిపించింది. ఫైనల్‌గా కియారా అద్వానీ పేరు తెరమీదకి వచ్చింది.

‘కబీర్ సింగ్, గుడ్ న్యూజ్, లస్ట్ స్టోరీస్‌’తో బాలీవుడ్‌లో సూపర్ క్రేజ్ సంపాదించిన కియారాకు సౌత్‌లోనూ మంచి గుర్తింపు ఉంది. కాబట్టి సినిమాకి మంచి బజ్ కూడా క్రియేట్ అయ్యే అవకాశం ఉందని.. అందుకే ఫిల్మ్ మేకర్స్ తన వైపు మొగ్గుచూపుతున్నారని సమాచారం.