హీరోయిన్ ఫైనల్.. హిట్ కీలకం

సూపర్‌స్టార్ మహేశ్ బాబు అప్‌కమింగ్ ప్రాజెక్ట్.. సర్కార్ వారి పాట. పరశురామ్ దర్శకత్వంలో తెరకెక్కుతున్న ఈ సినిమా ఫస్ట్ లుక్‌ నెటిజన్లకు తెగ నచ్చేసింది. కాగా ఈ సినిమాలో హీరోయిన్ ఎంపిక గురించి పలు వార్తలు రాగా.. మహానటిగా ప్రశంసలు అందుకున్న కీర్తి సురేష్ చివరికి కన్‌ఫర్మ్ అయిపోయింది. ఈ విషయాన్ని కీర్తి స్వయంగా తన అభిమానులతో పంచుకుంది. ‘పెంగ్విన్’ సినిమా విడుదల సందర్భంగా అభిమానులతో ముచ్చటించిన కీర్తి.. మహేశ్ మూవీలో హీరోయిన్ తనే అని స్పష్టం చేసింది.

మొత్తానికి సూపర్‌స్టార్ సరసన చాన్స్ కొట్టేసిన భామకు ఈ సినిమా హిట్ కీలకం కానుంది అంటున్నారు విశ్లేషకులు. ఈ చిత్రం హిట్ అయితే స్టార్ హీరోలతో చాన్స్ దక్కి కెరియర్ పీక్స్‌లో దూసుకెళ్తుందని, లేదంటే ఇలాగే హీరోయిన్ ఓరియెంటెడ్ పాత్రలకు పరిమితం కావాల్సి వస్తుందని అభిప్రాయపడుతున్నారు. ప్రస్తుతం అమెజాన్ ప్రైమ్‌లో రిలీజైన పెంగ్విన్‌తో హిట్ టాక్ సొంతం చేసుకున్న కీర్తి.. తెలుగులో నితిన్ సరసన పవర్ పేట, రంగ్ దే చిత్రాలు చేస్తోంది. మిస్ ఇండియాగా ప్రేక్షకులను త్వరలోనే పలకరింబోతున్న తను.. అజయ్ దేవగన్ సినిమాతో బాలీవుడ్ ఎంట్రీ కూడా రంగం సిద్ధమైంది.