భావోద్వేగానికి లోనైన ఎన్టీఆర్..!
దిశ వెబ్డెస్క్: దివంగత నటుడు నందమూరి హరికృష్ణ 64వ జయంతి సందర్భంగా.. ఆయన తనయుడు, హిరో జూనియర్ ఎన్టీఆర్ భావోద్వేగానికి లోనయ్యారు. ట్విట్టర్ వేదికగా బుధవారం తన తండ్రికి నివాళులు అర్పించారు. “ఈ అస్థిత్వం మీరు. ఈ వ్య‌క్తిత్వం మీరు. మొక్క‌వోని ధైర్యంతో కొనసాగే మా ఈ ప్ర‌స్థానానికి నేతృత్వం మీరు. ఆజ‌న్మాంతం త‌లుచుకునే అశ్రుక‌ణం మీరే -నందమూరి క‌ళ్యాణ్ రామ్‌, నందమూరి తార‌క రామారావు” అంటూ తండ్రి ఫోటోను పోస్టు చేశారు. మీ 64వ జయంతిన మిమ్మల్ని స్మరించుకుంటూ…. మిస్ యూ నాన్న’! అంటూ ఎమోషనల్ ట్వీట్ చేశారు.
మీ 64వ జయంతి న మిమ్మల్ని స్మరించుకుంటూ…. Miss You Nanna! pic.twitter.com/GG11AnPbIY
— Jr NTR (@tarak9999) September 2, 2020
బాలనటుడిగా అడుగుపెట్టిన హరికృష్ణ.. సినిమాల్లోనే తనదైన ముద్ర వేసుకున్నారు. ఇటు రాజకీయాల్లోనూ అందరి మన్ననలు అందుకున్నారు. నేడు హరికృష్ణ జయంతిని పురస్కరించుకుని పలువురు ప్రముఖలు నివాళులు అర్పిస్తున్నారు. 2018 ఆగస్టు 29న ఓ రోడ్డు ప్రమాదంలో హరికృష్ణ మరణించిన సంగతి తెలిసిందే.
