పోలీస్ కానిస్టేబుల్ మెయిన్స్ పరీక్ష తేదీ ఖరారు.. అడ్మిట్ కార్డ్స్ ఎప్పుడంటే..?

దిశ, కెరీర్: పోలీసుశాఖలో 15,644, రవాణాశాఖలో 63, ఆబ్కారీశాఖలో 614 కానిస్టేబుల్‌ ఉద్యోగాలకు తెలంగాణ స్టేట్ లెవల్ పోలీస్ రిక్రూట్మెంట్ బోర్డ్ (TSLPRB) నోటిఫికేషన్ విడుదల చేసిన విషయం తెలిసిందే. ఈ నియామకాలకు సంబంధించి రెండు దశలు పూర్తయ్యాయి. మూడో దశ మెయిన్స్ పరీక్షల కోసం అభ్యర్థులు ఎదురు చూస్తున్నారు. ఇప్పటికే సివిల్ ఎస్సై, టెక్నికల్ ఎస్సై పరీక్షలకు మెయిన్స్ పరీక్షలు పూర్తయ్యాయి. ఇక కానిస్టేబుల్ సివిల్ మెయిన్స్ పరీక్ష ఏప్రిల్ 30న జరగనుంది.

పోలీసు కానిస్టేబుల్ (సివిల్), పోలీసు కానిస్టేబుల్(ఐటీ అండ్ సీవో) ఉద్యోగాల‌కు సంబంధించిన తుది రాత‌ప‌రీక్ష‌ల తేదీల‌ను తెలంగాణ TSLPRB ఖ‌రారు చేసింది. ఏప్రిల్ 30వ తేదీన‌ ఈ రాత‌ప‌రీక్ష‌ల‌ను నిర్వ‌హించాల‌ని నిర్ణ‌యించింది. సివిల్ ఉద్యోగాల‌కు ఉద‌యం 10 నుంచి మ‌ధ్యాహ్నం ఒంటి గంట వ‌ర‌కు, ఐటీ అండ్ సీవో ఉద్యోగాల‌కు మ‌ధ్యాహ్నం 2:30 నుంచి సాయంత్రం 5:30 గంట‌ల వ‌ర‌కు ప‌రీక్ష‌లు నిర్వ‌హించ‌నున్నారు.

ఈ ప‌రీక్ష‌ల‌కు సంబంధించిన హాల్ టికెట్ల‌ను ఏప్రిల్ 24 తేదీ ఉద‌యం 8 గంట‌ల నుంచి 28వ తేదీ అర్థ‌రాత్రి 12 గంట‌ల వ‌ర‌కు వెబ్‌సైట్ నుంచి డౌన్‌లోడ్ చేసుకోవ‌చ్చు. హాల్‌టికెట్‌ డౌన్‌లోడ్‌ చేసేప్పుడు సమస్య తలెత్తినట్లయితే [email protected] కు మెయిల్‌ ద్వారా .. లేదా ఫోన్ - 9393711110, 9391005006 నంబర్లలో సంప్రదించవచ్చని రిక్రూట్‌మెంట్ బోర్డు తెలపింది.