పవన్, క్రిష్ మూవీలో స్వీటీ

దిశ, వెబ్‌డెస్క్: యోగా టీచర్ స్వీటీ శెట్టి… హీరోయిన్ అనుష్క శెట్టిగా మారిపోయి 15 ఏళ్ల సినీ కెరియర్‌ను సక్సెస్‌ఫుల్‌గా కంప్లీట్ చేసింది. ‘సూపర్‌’లో గ్లామర్ డాల్‌గా కనిపించిన భామ… ‘అరుంధతి’లో జేజమ్మగా ఎనలేని ప్రశంసలు అందుకుంది. ఈ సినిమా హిట్‌తో స్వీటీ కెరియర్ గ్రాఫ్ ఒక్కసారిగా పెరిగింది. ‘బాహుబలి’ తర్వాత అసలు వెనక్కి తిరిగి చూసుకునే పరిస్థితే లేకుండా పోయింది. ‘భాగమతి’ లాంటి లేడీ ఓరియంటెడ్ మూవీతో సూపర్ డూపర్ హిట్ అందుకున్న అనుష్క… ‘నిశ్శబ్ధం’ సినిమాతో బాక్సాఫీస్ మోత మోగించేందుకు మరోసారి సిద్ధమైంది.

అయితే ‘నిశ్శబ్ధం’ తర్వాత అనుష్క ఏ సినిమా చేస్తుందనే విషయంపై అభిమానుల్లో చర్చ మొదలైంది. మొన్నటి వరకు మెగాస్టార్ చిరంజీవి ‘ఆచార్య’ సినిమాలో చేస్తుందనే వార్తలు రాగా… అది కాస్తా ఫేక్ న్యూస్ అని తెలిసిపోయింది. ఇప్పుడు మరో వార్త ఫిల్మ్ నగర్‌లో హల్ చల్ చేస్తుంది. పవర్ స్టార్ పవన్ కళ్యాణ్, క్రిష్ కాంబినేషన్‌లో వస్తున్న మూవీలో స్వీటీ నటించబోతోందని సమాచారం. పిరియాడికల్ మూవీగా తెరకెక్కుతున్న సినిమాలో పవన్ రాబిన్ హుడ్ తరహా పాత్ర చేస్తుండగా… స్వీటీ పవర్‌స్టార్‌కు జంటగా పవర్ ఫుల్ రోల్ చేయబోతోందని టాక్. క్రిష్ డైరెక్షన్‌లో ‘వేదం’ సినిమాలో వేశ్య పాత్ర పోషించిన అనుష్క… ఆ చిత్రంలో నటనకు విమర్శకుల ప్రశంసలు అందుకున్న విషయం తెలిసిందే.

Tags: Anushka Shetty, Sweety, Pawan Kalyan, Krish