కోహ్లీ ఉంటే ఆర్సీబీ కప్ గెలవదని ట్రోల్స్

దిశ, వెబ్‌డెస్క్: ఐపీఎల్ అన్ని సీజన్లలో ఇప్పటి వరకు కప్ గెలవని జట్టులో ఆర్సీబీ ఒకటి. ఎంతో మంది కీలక ఆటగాళ్లు కలిగి ఉండి కూడా ఈ జట్టు కప్ కొట్టలేక పొతుంది. ఇటీవల మహిళల ప్రీమియర్ లీగ్ లో ఆర్సీబీ జట్టు కొట్టగా.. తాజా ఐపీఎల్ లో కోహ్లీ జట్టు కప్పు కొడుతుందని అందరూ ఆశాభావం వ్యక్తం చేశారు. కానీ ఈ సీజన్ లో కూడా ఆర్సీబీ జట్టు పేలవమైన ఆటతీరు కనబరుస్తుంది. ఇటీవల ఆర్సీబీ పేరిట ఉన్న హైఎస్ట్ టోటల్ రికార్డును కూడా సన్ రైజర్స్ జట్టు బ్రేక్ చేసింది. ప్రస్తుతం ఆ జట్టుకు మిగిలింది ఐపీఎల్ చరిత్రలోనే తక్కువ పరుగుల స్కోర్.. దీంతో ఆ జట్టుపై సోషల్ మీడియాలో దారుణంగా ట్రోల్స్ చేస్తున్నారు.

ముఖ్యంగా స్టార్ ప్లేయర్ విరాట్ కోహ్లీని టార్గెట్ గా చేసుకున్న ట్రోలర్స్.. కోహ్లీ జట్టులో ఉన్నంత కాలం ఆర్సీబీ కప్పు కొట్టదంటూ.. కామెంట్లు చేస్తున్నారు. ఇందులో భాగంగానే.. శుక్రవారం కలకత్తతో జరిగిన మ్యాచ్ లో భారీ స్కోర్ చేసిన ఆర్సీబీకి ఓటమి తప్పలేదు. దీంతో అసహనం వ్యక్తం చేస్తున్న ఫ్యాన్స్ కూడా.. మా జట్టుకు కోహ్లీ వలనే ఓటములు వస్తున్నాయని ఆరోపిస్తున్నారు. దీనికి సంబంధించిన వీడియోలు సోషల్ మీడియాలో వైరల్ గా మారాయి.

ఇదిలా ఉంటే.. కోహ్లీ వల్ల కప్ రావట్లేదని ట్రోల్స్ చేస్తున్న వారికి.. కోహ్లీ, ఆర్సీబీ అభిమానులు దిమ్మతిరిగే కౌంటర్లు ఇస్తున్నారు. సోషల్ మీడియాలో ఫేమస్ అవ్వడానికి డీపీ, ఫ్రోఫైల్ పేరు మార్చుకుని పనిగట్టుకొని ఆర్సీబీ జట్టుపై విషం కక్కుతున్నారని కౌంటర్లు వేస్తున్నారు. మరోపక్క కోహ్లీ ఉన్నంత వరకు కప్ రాదనే వారికి.. అసలు ఆర్సీబీ జట్టులో కోహ్లీ ఉన్నాడు కాబట్టి ఆ జట్టు ఇంకా ఐపీఎల్ లో కొనసాగుతుందని.. కోహ్లీ లేకుంటే ఆ జట్టు కనుమరుగవుతుందని.. కోహ్లీ ఫ్యాన్స్ అంటున్నారు. ఏది ఏమైనప్పటికీ ఈ సీజన్ ఆర్సీబీ జట్టు కప్పు కొడుతుందనే ధీమాతో ఆర్సీబీ, కోహ్లీ ఫ్యాన్స్ ఉన్నారు.