బాలీవుడ్ ‘దుకాణ్’- పెయిడ్ అండ్ డెలివరీ
దిశ, సినిమా : బాలీవుడ్ నటి మోనికా పన్వర్ తన అప్‌కమింగ్ ప్రాజెక్ట్ డీటెయిల్స్ షేర్ చేసింది. ‘దుకాణ్’ టైటిల్‌తో వస్తున్న సినిమా తనకు చాలా ప్రీషియస్ ప్రాజెక్ట్ అని, సోషల్ మీడియా వేదికగా ఫస్ట్ లుక్ రివీల్ చేసింది. బేబీ బంప్‌తో ఉన్న ఫస్ట్ లుక్ పోస్టర్‌ భయంకరంగా ఉండగా.. ముఖంలో ఎక్స్‌ప్రెషన్‌కు వచ్చేసరికి మాత్రం దుపట్టాను పళ్లతో పట్టుకుని ఉన్న లుక్ కొంచెం తేడాగానే ఉంది. తన పొట్టపై ఉన్న బార్ కోడ్ సినిమాపై మరింత ఇంట్రెస్ట్ పెంచుతుండగా.. ‘పెయిడ్ అండ్ డెలివరీ’ అంటూ పోస్టర్‌పై మేకర్స్ యాడ్ చేసిన స్టేట్‌మెంట్ మరింత వెరైటీగా ఉంది.
సరోగసి మెయిన్ సబ్జెక్ట్‌గా తెరకెక్కుతున్న సినిమాకు సిద్ధార్థ్ – గరిమా దర్శకులు కాగా, చిత్రీకరణ ప్రారంభమైనట్లు తెలిపారు మేకర్స్. 2022లో సినిమా విడుదలకు ప్లాన్ చేస్తున్నట్లు వెల్లడించారు. కలంకార్ పిక్చర్ ప్రొడక్షన్స్ బ్యానర్‌పై రూపుదిద్దుకుంటున్న సినిమా.. గుజరాత్‌లోని కమర్షియల్ సరోగసీ వరల్డ్‌ ఆధారంగా తెరకెక్కుతోంది. ఫస్ట్ లుక్‌తోనే సినిమాపై హైప్ పెంచిన మేకర్స్.. బాలీవుడ్‌లో సరోగసి నేపథ్యంలో వస్తున్న తొలి సినిమా ఇదేనని తెలిపారు. సరోగేట్ మహిళా కోణాన్ని చూపించే పాత్రలో మోనికా పన్వర్ చాలెంజింగ్ రోల్ చేస్తోందని.. ఈ సినిమాకు ఆడియన్స్ ఎమోషనల్‌గా కనెక్ట్ అయిపోతారని చెప్పారు.
