అంతర్జాతీయ ఎర్రచందనం స్మగ్లర్ అరెస్ట్

దిశ, ఏపీ బ్యూరో : అంతర్జాతీయ ఎర్రచందనం స్మగ్లర్ రామనాథరెడ్డిని పోలీసులు అదుపులోకి తీసుకున్నారు. శనివారం ఎర్రచందనం తరలిస్తుండగా కుప్పం-కృష్ణగిరి హైవేలో చిత్తూరు పోలీసులు రామనాథరెడ్డిని అదుపులోకి తీసుకున్నారు. రామనాథరెడ్డితోపాటు మరో ముగ్గురు అతడి అనుచరులను కూడా అదుపులోకి తీసుకున్నట్లు ఎస్ఈసీ ఏఎస్పీ విద్యాసాగర్ వెల్లడించారు.

మూడు గంటల ప్రాంతంలో ఎర్రచందనాన్ని తరలిస్తున్నారన్న పక్కా సమాచారంతో దాడి చేసి పట్టుకున్నట్లు వెల్లడించారు. ఇకపోతే మోస్ట్‌వాంటెడ్ స్మగ్లర్‌లలో రామనాథరెడ్డి ఒకరు. ఇప్పటికే రామనాథరెడ్డిపై అనేక కేసులు ఉన్నాయి.