ఏపీలో జూన్ 3న ఇంటర్ జియోగ్రఫీ పరీక్ష

కరోనా వైరస్ వ్యాప్తి నిరోధానికి విధించిన లాక్‌డౌన్‌ కారణంగా వాయిదాపడిన ఇంటర్మీడియట్‌ మోడర్న్‌ లాంగ్వేజ్‌, జియోగ్రఫీ పరీక్షలను జూన్‌ 3వ తేదీన నిర్వహించనున్నట్టు ఇంటర్ బోర్డ్ ప్రకటించింది. జూన్ 3న ఉదయం 9 గంటలకు పరీక్ష ప్రారంభం కానుంది. పరీక్ష హాజరయ్యే విద్యార్థులకు మాస్క్‌ తప్పనిసరిగా ధరించాల్సి ఉంటుంది. ఇప్పటి వరకు రాసిన పరీక్షా కేంద్రాల్లోనే ఈ పరీక్షను కూడా నిర్వహించనున్నారు. ఇందుకు సంబంధించిన హాల్‌ టికెట్‌లను www.bie.ap.gov.in వెబ్‌సైట్‌ నుంచి డౌన్‌లోడ్‌ చేసుకోవాలని ఇంటర్మీడియట్ బోర్డ్ ప్రకటించింది.