ఇక ఇండియాలో బెట్టింగ్ చట్టబద్ధం?

దిశ, సినిమా : అమెజాన్ ఒరిజినల్స్ ‘ఇన్‌సైడ్ ఎడ్జ్ 3’ సిరీస్ ట్రైలర్ ఆడియన్స్‌ నుంచి బెస్ట్ కాంప్లిమెంట్స్ అందుకుంటోంది. బెస్ట్ క్రికెట్ షోగా కీర్తించబడిన ‘ఇన్‌సైడ్ ఎడ్జ్’ ఫ్రాంచైజీ నుంచి వస్తున్న సీక్వెల్‌లో.. ముఖ్యంగా వివేక్ ఒబెరాయ్ క్యారెక్టర్‌కు స్పెషల్ అప్రిసియేషన్ అందుతోంది. చాలా ఏళ్ల తర్వాత జరిగే ఇండియా – పాకిస్తాన్ మ్యాచ్‌‌ను నిర్వాహకులు, క్రికెట్ బోర్డ్ మెంబర్స్ ఎలా వాడుకున్నారు? బ్యాక్‌గ్రౌండ్‌లో జరిగింది ఏంటనేది కథ కాగా.. బెట్టింగ్‌ను చట్టబద్ధం చేయడం, అవినీతిపై దర్యాప్తు, ప్రసార హక్కులను పొందడం, ఎండోర్స్‌మెంట్స్ అండ్ భారత జట్టు కెప్టెన్సీ వల్ల కలిగే లాభాలు తదితర విషయాలపై చర్చించింది. రిచా చద్దా, అమీర్ బషీర్, తనూజ్ వీర్వాని, సయానీ గుప్తా ప్రధానపాత్రల్లో కనిపించిన సిరీస్.. స్పోర్ట్స్ డ్రామాస్‌లో కొత్త కోణాలను ఆవిష్కరిస్తోందని ప్రశంసిస్తున్నారు నెటిజన్లు. కాగా కనిష్క్ వర్మ డైరెక్ట్ చేసిన ఈ ప్రాజెక్ట్‌ను రితేష్ సిద్వానీ, ఫర్హాన్ అక్తర్, కాసిమ్ జగ్మాగియా నిర్మించగా.. డిసెంబర్ 3 నుంచి స్ట్రీమింగ్ కానుంది.