ఫస్ట్ లుక్ పోస్టర్ : 'రామారావు ఆన్ డ్యూటీ' అంటే విలన్స్ కి చుక్కలే
దిశ, వెబ్‌డెస్క్: ‘రామారావు ఆన్ డ్యూటీ’ అంటూ కిరాతకులను వేటాడే పనిలో పడిపోయారు మాస్ మహారాజా రవితేజ. నిజాయితీగా పనిచేయడానికి పోలీస్ డిపార్ట్మెంట్ లోకి వచ్చానని, తనతో పెట్టుకుంటే విలన్స్ కి వేటే అని భయపెడుతున్నాడు. ఇటీవలే ‘క్రాక్’ చిత్రంతో హిట్ అందుకున్న రవితేజ.. ఆ చిత్రంలో పోలీస్ అధికారిగా నటించి మెప్పించాడు. ఇక ప్రస్తుతం ‘రామారావు ఆన్ డ్యూటీ’ అంటూ మరోసారి పోలీస్ అధికారిగా కనిపించబోతున్నాడు. వరుస సినిమాలను లైన్లో పెట్టిన మాస్ మహారాజా మరో కొత్త చిత్రానికి శ్రీకారం చుట్టి, సినిమా టైటిల్ ని అధికారికంగా ప్రకటించాడు. ‘రామారావు ఆన్ డ్యూటీ’ అంటూ ఫస్ట్ లుక్ పోస్టర్ ని చిత్ర యూనిట్ విడుదల చేసింది.
RAMARAO on duty!!#RamaraoFirstLook @itsdivyanshak @directorsarat @sathyaDP @sahisuresh @Cinemainmygenes @SamCSmusic #RTTeamWorks pic.twitter.com/6jhWuURqIr
— Ravi Teja (@RaviTeja_offl) July 12, 2021
శ్రీకాంత్ మండవ అనే కొత్త దర్శకుడు ఈ చిత్రానికి దర్శకత్వం వహిస్తున్నాడు. ఇక టైటిల్ పోస్టర్ లో మాస్ లుక్ లో రవితేజ హాఫ్ స్లీవ్ షర్ట్ – ఫార్మల్ ప్యాంట్ ధరించి ట్రెండీ గాగుల్స్ పెట్టుకొని సూపర్ స్టైలిష్ గా కనిపిస్తున్నాడు. ఇక టైటిల్ తోనే పోలీస్ కథ అని తెలిపిన మేకర్స్ పోస్టర్ చుట్టూ బి.రామారావు పేరుతో ప్రమాణ స్వీకార పత్రం, ఆయనకు కేటాయించిన ప్రభుత్వ వాహనం మరియు ఎగ్జిక్యూటివ్ మేజిస్ట్రేట్ కార్యాలయం అనే బోర్డులను బ్యాగ్రౌండ్ లో చూపించి ఎక్సయిట్మెంట్ క్రియేట్ చేశారు. ఇక ఈ చిత్రంలో రవితేజ సరసన ‘మజిలీ’ ఫేమ్ దివ్యాన్ష కౌశిక్ నటిస్తుంది. మరి ఈ చిత్రంతో రవితేజ తన హిట్ ట్రాక్ ని కొనసాగిస్తాడేమో చూడాలి.
