విశాఖలో అతిభారీ వర్షం

దిశ, వెబ్‌డెస్క్: విశాఖపట్టణం జిల్లా వ్యాప్తంగా ఎడతెరిపిలేకుండా వర్షం పడుతోంది. గడిచిన 24 గంటల్లో పరవాడలో అత్యధికంగా 18 సెం.మీ వర్షపాతం నమోదైనట్టు విశాఖపట్టణం వాతావరణ కేంద్రం అధికారులు తెలిపారు. అత్యధికంగా గాజువాకలో 17, భీమిలిలో 16 సెం.మీ వర్షాపాతం నమోదైంది. ఈ అతిభారీ వర్షంతో నగరంలోని రోడ్లన్నీ వరదనీటితో నిలిచిపోయి, జలమయమయ్యాయి. దీంతో భారీగా ట్రాఫిక్ జామ్ అయి, వాహనదారులు తీవ్ర ఇబ్బందులు ఎదుర్కొంటున్నారు. జీవీఎంసీ సిబ్బంది మోటార్ల ద్వారా నీటిని తోడుతున్నారు.