Health Benefits : గోండు కటిరతో ఎన్ని ఆరోగ్య ప్రయోజనాలో.. ఎలా తినాలో తెలుసా..
దిశ, ఫీచర్స్ : వేసవి కాలంలో, వర్షాకాలంలో ప్రజలు గోండ్ కటిరాను అనేక రకాల వంటకాలలో వేస్తూ ఉంటారు. ఎందుకంటే దాని శీతలీకరణ ప్రభావం తేమతో కూడిన వేడిలో మీ శరీర ఉష్ణోగ్రతను సమతుల్యం చేయడంలో సహాయపడుతుంది. అంతే కాకుండా గోండు కటిరా తీసుకోవడం వల్ల కూడా అనేక ప్రయోజనాలు లభిస్తాయి. నిజానికి ఇందులో ప్రోటీన్, కాల్షియం, డైటరీ ఫైబర్, మెగ్నీషియం వంటి అనేక మినరల్స్‌తో పాటు విటమిన్లు కూడా ఉంటాయి. కాబట్టి, దీన్ని సరిగ్గా తీసుకుంటే మంచి ఆరోగ్యాన్ని పొందవచ్చు.
గోండు కటిరను తీసుకోవడం వల్ల ప్రయోజనమే కాదు, ప్రతికూలతలు కూడా ఉండవచ్చంటున్నారు నిపుణులు. కాబట్టి దీనిని ఆచితూచి తీసుకోవాలి. కాబట్టి గోండు కటిరా తినడం వల్ల కలిగే లాభాలు, నష్టాల గురించి తెలుసుకుందాం.
గోండ్ కటిరా వల్ల కలిగే ప్రయోజనాలు ఏమిటి ?
గోండ్ కటిరాలో ఉండే ప్రొటీన్ మీ కండరాలను ఆరోగ్యంగా ఉంచడంలో, కణజాలాలను బాగు చేయడంలో సహాయపడుతుంది. ఇది శక్తిని కూడా అందిస్తుంది.
గోండ్ కటిరా తీసుకోవడం జీర్ణక్రియను మెరుగుపరుస్తుంది. ఇందులో ఉండే డైటరీ ఫైబర్ గట్ ఆరోగ్యాన్ని మెరుగుపరుస్తుంది.
గోండ్ కటిరా తినడం వలన చర్మం, జుట్టుకు కూడా మేలు చేస్తుంది. ఇది ముఖం పై మొటిమలను పోగొట్టడంలో, జుట్టు సమస్యలకు చికిత్స చేయడంలో ప్రయోజనకరంగా ఉంటుంది.
గోండ్ కటిర వినియోగం పురుషుల సంతానోత్పత్తికి కూడా ప్రయోజనకరంగా పరిగణిస్తారు.
వేసవిలో అరికాళ్లు, కాళ్ల మంట సమస్య ఉన్నా గోండు కటిరను సేవించడం వల్ల మేలు జరుగుతుంది.
గోండ్ కటిరాను రోజూ ఎంత, ఎలా తీసుకోవాలి ?
గోండ్ కటిరాను తినడానికి, దానిని కొన్ని గంటలపాటు నీటిలో నానబెట్టాలి. ఇలా చేయడం ద్వారా ఇది పారదర్శక జెల్ లాగా మారుతుంది. దీన్ని నీటిలో కలుపుకుని తాగవచ్చు. కావాలనుకుంటే రుచి కోసం కొద్దిగా చక్కెర మిఠాయిని జోడించవచ్చు. కానీ అది స్వచ్ఛంగా ఉండాలి. గోండ్ కటిరా చిన్న స్ఫటికలా ఉంటుంది. దీన్ని ఒక రోజులో 10 నుండి 20 గ్రాములు అంటే దాదాపు నాలుగు నుండి ఐదు ముక్కలు సరిపోతాయి.
గోండ్ కటిరకు ప్రతికూలతలు..
గోండ్ కటిరా తీసుకుంటే పుష్కలంగా నీళ్లు తాగుతూ ఉండాలి. లేదంటే మలబద్ధకం, ఉబ్బరం సంభవించవచ్చు. అంతే కాదు ఎక్కువ మోతాదులో తీసుకుంటే కొంతమందికి అలెర్జీ సమస్యలు ఉండవచ్చు. ఇది వాంతులు, విరేచనాలు లేదా చర్మం పై దద్దుర్లు మొదలైన వాటికి కారణం కావచ్చు. అలాంటి లక్షణాలు కనిపిస్తే వినియోగాన్ని నిలిపివేయాలి. మీరు ఏదైనా ఔషధం తీసుకున్నప్పుడు గర్భవతిగా ఉన్నా లేదా చిన్న పిల్లలకు ఇవ్వాలనుకున్నా ముందుగా వైద్యుడిని సంప్రదించడం మంచిది.
*గమనిక : పైవార్తలోని సమాచారం ఇంటర్నెట్ ఆధారంగా సేకరించబడింది. పాఠకుల అవగాహనకోసం మాత్రమే అందిస్తున్నాం. నిర్ధారణలు, పర్యవసనాలకు ‘దిశ’ బాధ్యత వహించదు. ఆరోగ్యానికి సంబంధించిన నిర్ణయాలు తీసుకునే ముందు తప్పకుండా నిపుణులను సంప్రదించగలరు.
