క్యాన్సర్ ప్రమాదాన్ని తగ్గించే కాకరకాయ.. ఇంకా ఎన్ని ప్రయోజనాలో తెలుసా..

దిశ, ఫీచర్స్ : కాకరకాయ రుచి చేదుగా ఉంటుంది. అందుకే దాన్ని చాలా తక్కువ మంది మాత్రమే ఇష్టపడతారు. ఈ కూరగాయ రుచిగా ఉండకపోవచ్చు, కానీ దీన్ని తినడం వల్ల చాలా ఆరోగ్య ప్రయోజనాలు ఉన్నాయి. కాకరకాయలో విటమిన్లు, మినరల్స్, ఫైబర్ కూడా ఉంటాయి.

ఇది డయాబెటిక్ రోగులకు చాలా ఉపయోగకరంగా ఉంటుంది. దీని వినియోగం మధుమేహాన్ని నియంత్రిస్తుంది. జీర్ణక్రియను మెరుగుపరుస్తుంది. చక్కెరలో మాత్రమే కాకుండా మలబద్ధకం, గుండె, బరువు తగ్గడం, కొలెస్ట్రాల్‌ తగ్గించేందుకు కూడా మేలు చేస్తుంది. కాకరకాయతో మరిన్ని ఆరోగ్య ప్రయోజనాల గురించి ఇప్పుడు తెలుసుకుందాం.

మధుమేహం నియంత్రణ..

నేషనల్ ఇన్‌స్టిట్యూట్ ఆఫ్ హెల్త్ ప్రకారం మధుమేహ వ్యాధిగ్రస్తులకు రోజూ కాకరకాయను తీసుకోవడం వలన మేలు జరుగుతుంది. అలాగే కాకరలో ఉండే ప్రత్యేక లక్షణాలు ఇన్సులిన్ స్థాయిలను నియంత్రించడంలో సహాయపడతాయి. ఇది రక్తంలో చక్కెర స్థాయిలను కూడా నియంత్రణలో ఉంచుతుంది.

గుండె జబ్బుల ప్రమాదాన్ని తగ్గిస్తుంది..

చేదు గుండె సంబంధిత సమస్యలకు మెరుగైన చికిత్స మాత్రమే కాదు, దాని వినియోగం గుండెపోటుకు కారణమయ్యే కారకాలను కూడా నియంత్రిస్తుంది. విటమిన్ సి, విటమిన్ ఎ, విటమిన్ కె, పొటాషియం, ఇతర పోషకాలను కలిగి ఉంటుంది. ఇవి గుండె ఆరోగ్యానికి మేలు చేస్తాయి.

రక్తాన్ని శుద్ధి చేస్తుంది..

కాకరకాయ తీసుకోవడం వల్ల శరీరంలోని రక్తాన్ని కూడా శుద్ధి చేస్తుంది. ఇది అనేక తీవ్రమైన రక్త సంబంధిత వ్యాధుల ప్రమాదాన్ని తగ్గిస్తుంది. కాకరకాయలో ఆల్ఫా-లిపోయిక్ యాసిడ్ అని పిలిచే ఔషధ గుణాలు కూడా ఉన్నాయి. ఇది రక్తంలో కొవ్వును తగ్గించడంలో, ధమనులను ఆరోగ్యంగా ఉంచడంలో సహాయపడుతుంది.

క్యాన్సర్ ప్రమాదాన్ని తగ్గిస్తుంది..

చేదు కాకరకాయలో ఉండే ఫ్లేవనాయిడ్లు, గార్డెనియా, బీటా కెరోటిన్ వంటి రసాయన సమ్మేళనాలు క్యాన్సర్‌తో పోరాడడంలో కాకరకాయ రసం చాలా ప్రయోజనకరంగా ఉంటుందని నిపుణులు చెబుతున్నారు.

మలబద్దకం నుండి ఉపశమనం..

కాకరకాయ మధుమేహం మాత్రమే కాకుండా మలబద్ధకం, జీర్ణ సమస్యలను కూడా తగ్గించడంలో సహాయపడుతుంది. కాకరకాయలో మంచి మొత్తంలో పీచు ఉంటుంది. ఇది మలబద్ధకం నుండి ఉపశమనాన్ని అందిస్తుంది.