తెలంగాణ ఎన్నికల కమిషనర్‌గా పార్థసారథి

దిశ, వెబ్‌డెస్క్: తెలంగాణ రాష్ట్ర ఎన్నికల కమిషనర్‌గా రిటైర్డ్ ఐఏఎస్ పార్థసారథిని నియమిస్తూ మంగళవారం ప్రభుత్వం ఉత్తర్వులు జారీ చేసింది. ఈ పదవిలో పార్థసారథి మూడేళ్ల పాటు కొనసాగనున్నారు. 1993 ఐఏఎస్ బ్యాచ్‌కు చెందిన పార్థసారథి ఇటీవల ప్రిన్సిపల్ సెక్రటరీగా పదవీ విరమణ పొందారు. తెలంగాణలోని పలు జిల్లాల్లో కలెక్టర్‌‌గా, పలు హోదాల్లో పనిచేశారు. పార్థసారథి ఒకట్రెండు రోజుల్లో బాధ్యతలు తీసుకునే అవకాశం ఉంది.