గోపీచంద్ కెరీర్‌కు బెస్ట్ ప్రాజెక్ట్..
దిశ, వెబ్‌డెస్క్: లాక్‌డౌన్ ముందు నుంచే ‘అయ్యప్పనుమ్ కోషియుమ్’ రిమేక్‌పై వార్తలు వస్తూనే ఉన్నాయి. పృథ్వీరాజ్ సుకుమారన్, బిజూ మీనన్ నటించిన ఈ సినిమా తెలుగు రిమేక్ రైట్స్ సితార ఎంటర్టైన్మెంట్స్ సొంతం చేసుకోగా.. స్టారింగ్ పవర్ స్టార్ పవన్ కళ్యాణ్‌ అని ప్రకటించాక ప్రాజెక్ట్‌పై మరింత క్రేజ్ ఏర్పడింది. అయితే పవన్‌కు పోటీ ఇచ్చే మరో పవర్ ఫుల్ హీరో ఎవరనే దానిపై ఇంకా డిస్కషన్ జరుగుతూనే ఉంది. ఈ క్రమంలో రానా, నితిన్, తేజ్ లాంటి హీరోల పేర్లు తెరమీదకి వచ్చినా స్పందించలేదు ఫిల్మ్ మేకర్స్. కాగా, లేటెస్ట్‌గా పవన్‌తో మ్యాచో హీరో గోపీచంద్ స్క్రీన్ షేర్ చేసుకోబోతున్నాడని టాక్.
‘అయ్యప్పనుమ్ కోషియుమ్’ రిమేక్‌లో సెకండ్ హీరోకు కొంచెం నెగెటివ్ షేడ్స్ ఉండటంతోపాటు పవన్‌తో పోటీ పడే కటౌట్ గోపీచంద్ సొంతం కాగా, ఇదే బెస్ట్ ఆప్షన్ అంటున్నారు విశ్లేషకులు. అంతే కాదు క్యారెక్టర్ ఏదైనా సరే హండ్రెడ్ పర్సెంట్ ఇచ్చే సత్తా ఉన్న గోపీచంద్..నెగెటివ్ రోల్స్‌‌లో ఇప్పటికే ప్రూవ్ చేసుకున్నాడు. మరోవైపు గోపిచంద్ కెరీర్‌ కూడా డల్‌గా ఉండగా..ఈ ప్రాజెక్ట్‌కు సైన్ చేస్తే పుంజుకునే అవకాశం ఉందని విశ్లేషకులు అంటున్నారు. మెగా, పవన్ ఫ్యాన్స్ సపోర్ట్‌తో ఫామ్‌లోకి వచ్చే చాన్స్ ఉంటుందని వారు చెబుతున్నారు.
