ఫిబ్రవరి వరకు పెండింగ్ బిల్లులన్నీ చెల్లిస్తాం : GHMC

దిశ, వెబ్‌డెస్క్: పెండింగ్‌ బిల్లులపై హైదరాబాద్‌లోని జీహెచ్ఎంసీ ప్రధాన కార్యాలయంలో కాంట్రాక్టర్లు సమావేశం అయ్యారు. ప్రభుత్వం నుంచి రావాల్సిన బిల్లులు రాబట్టేందుకు కార్యచరణతో పాటు.. అసోసియేషన్ కమిటీ ఎన్నికపైనా సుదీర్ఘంగా చర్చిస్తున్నారు. నెలన్నర నుంచి పనులు నిలిపివేసిన కాంట్రాక్టర్లు సమ్మె చేస్తోన్న విషయం తెలిసిందే. ఆరోగ్య సమస్యలు వచ్చినా.. బిల్లులు చెల్లించడం లేదని కాంట్రాక్టర్లు ఆందోళన చెందుతున్నారు. దీనికి స్పందించిన జీహెచ్ఎంసీ.. ఫిబ్రవరి వరకు పెండింగ్ బిల్లులు అన్నీ చెల్లిస్తామని హామీ ఇచ్చారు.