కోహ్లీ శక్తిమంతమైన క్రికెటర్ : టేలర్

దిశ, వెబ్‌డెస్క్: టీమిండియా కెప్టెన్ విరాట్ కోహ్లీ తన అద్భుతమైన బ్యాటింగ్ ప్రదర్శనతో జట్టుకు ఎన్నో మరుపురాని విజయాలను అందించాడు. అంతేగాకుండా కోహ్లీ ఒంటిచేత్తో దేశాన్ని గెలిపించిన మ్యాచ్‌లు కూడా అనేకం ఉన్నాయి. ప్రత్యర్థి బౌలర్లకు చుక్కలు చూపిస్తూ… పరుగుల వరద పారిస్తుంటాడు. అత్యుత్తమ ఆటతీరుతో ఇప్పటికే ఎన్నో రికార్డులను సొంతం చేసుకున్నాడు. ప్రపంచ వ్యాప్తంగా అనేకమంది క్రికెటర్లు కోహ్లీ బ్యాటింగ్ అంటే ఇష్టపడతారు.

అంతేగాకుండా సందర్భం వచ్చినప్పుడల్లా కోహ్లీపై ఉన్న అభిమానాన్ని వారు అభిమానులతో పంచుకుంటారు. తాజాగా ఆస్ట్రేలియా మాజీ కెప్టెన్ మార్క్ టేలర్ కోహ్లీపై ప్రశంసల వర్షం కురిపించాడు. ఈ సందర్భంగా ఆయన ఓ మీడియా ఛానల్‌తో మాట్లాడుతూ… టీమిండియా కెప్టెన్ విరాట్ కోహ్లీ ప్రపంచంలోనే శక్తిమంతమైన క్రికెటర్ అని టేలర్ అన్నారు. కోహ్లీ దూకుడు స్వభావం గల ఆటగాడిగానే కాకుండా ఆదర్శవంతమైన క్రికెటర్‌గా నిలుస్తాడని పేర్కొన్నాడు. తన కర్తవ్యాలను బాధత్యగా నిర్వర్తిస్తాడని అన్నారు. విరాట్ ఆటను చూస్తుంటే… సహజసిద్ధంగా ఉంటుందని, ఎప్పుడూ అతను ఆటను గౌరవిస్తాడని వెల్లడించారు.