అన్నపూర్ణ స్టూడియోలో అగ్నిప్రమాదం

దిశ, వెబ్‌డెస్క్: బంజారాహిల్స్‌లోని అన్నపూర్ణ స్టూడియోలో భారీ అగ్ని ప్రమాదం సంభవించింది. శుక్రవారం ఉదయం ఒక్కసారిగా స్టూడియోలో మంటలు ఎగిసిపడ్డాయి. ఈ ప్రమాదంలో పలు సినిమా సెట్టింగులు కాలిపోయినట్టు తెలుస్తోంది. విషయం తెలుసుకున్న ఫైర్ సిబ్బంది వెంటనే ఘటనా స్థలానికి చేరుకొని, నాలుగు ఫైరింజన్లతో మంటల్ని అదుపులోకి తీసుకురావడంతో యాజమాన్యం ఊపిరిపీల్చుకుంది. కాగా ప్రమాదానికి గల కారణాలు ఇంకా తెలియలేదు. ఓ మూవీ షూటింగ్‌ కోసం వేసిన సెట్‌లో షార్ట్‌ సర్క్యూట్‌ కారణంగా ఈ ప్రమాదం జరిగినట్టు సమాచారం.