తండ్రే కామాంధుడు.. హోటల్‌కు తీసుకెళ్లి కూతురుపై లైంగిక దాడి
దిశ, వెబ్‌డెస్క్ : తన బిడ్డల పట్ల కృూర జంతువులు కూడా ఇలా ప్రవర్తించవేమో.. కానీ కంటికి రెప్పలా రక్షణ కల్పించాల్సిన కన్నతండ్రే కూతురు(22)పై కన్నేశాడు. ఆర్థిక ఇబ్బందులతో సతమతమవుతున్న తండ్రికి బాసటగా నిలుద్దామనుకున్న కుమార్తె జీవితాన్నే నాశనం చేసి తండ్రి అనే పదానికే మచ్చ తెచ్చాడు. కుమార్తెకు ఉద్యోగం ఇప్పిస్తానని హోటల్ కు తీసుకెళ్లి లైంగిక దాడి చేశాడో కీచక తండ్రి. పోలీసులు, బాధితురాలు కథనం ప్రకారం..
ఢిల్లీకి చెందిన ఓ వ్యక్తి (48) టెక్స్ టైల్ బిజినెస్ చేస్తున్నాడు. ఈ క్రమంలో అతడికి నష్టాలు వచ్చి ఆర్థికంగా ఇబ్బందులు పడుతున్నాడు. తండ్రి కష్టాన్ని చూసిన అతడి కూతురు ఏదైన ఉద్యోగం చేసి కుటుంబానికి బాసటగా నిల్వలనుకుంది. ఇందులో భాగంగా ఉద్యోగ అన్వేషణలో పడింది.
అయితే ఆమె తండ్రే గురుగ్రామ్‌లో ఉద్యోగాలకు ఇంటర్వ్యూలు జరుగుతున్నాయని చెప్పాడు.
కూతురును జూన్ 7న గురుగ్రామ్‌ డీఎస్ఎఫ్-3లోని ఓ హోటల్ రూంకు తీసుకెళ్లాడు. లోపల ఇంటర్వ్యూలు జరుగుతున్నాయని తీసుకెళ్లి.. కూతురు చేతులు కట్టేసి, నోటికి ప్లాస్టర్ వేశాడు. అనంతరం ఆమెపై పాశవికంగా లైంగిక దాడి చేశాడు. ఆ దుశ్చర్యను మొత్తం వీడియో తీశాడు. విషయం బయటకు చెబితే వీడియోను ఇంటర్ నెట్ లో పెడతానని బెదిరించాడు.
అనంతరం అదే రోజు రాత్రి ఇంటికి తీసుకెళ్లాడు. అదును కోసం చూసిన కూతురు.. తల్లి మార్కెట్‌కు వెళ్తున్న సమయంలో వెంట వెళ్లింది. అక్కడ హోటల్‌లో తండ్రి చేసిన ఘాతుకాన్ని తల్లి్కి వివరించింది. దీంతో ఇద్దరు వెంటనే పోలీస్ స్టేషన్ కు వెళ్లి ఫిర్యాదు చేశారు. విచారణ జరిపిన పోలీసులు యువతి తండ్రిపై పలు సెక్షన్ల కింద కేసు నమోదు చేశారు.
