బీజేపీ పాదయాత్రకు ముమ్మర ఏర్పాట్లు

దిశ, తెలంగాణ బ్యూరో: బీజెపీ పాదయాత్రకు ఏర్పాట్లను ముమ్మరం చేశారు. మంగళవారం హైదరాబాద్, రంగారెడ్డి, వికారాబాద్, సంగారెడ్డి జిల్లాలో పర్యటించిన పాదయాత్ర కమిటీ సభ్యులు రూట్ మ్యాప్, సభలు, వసతి ఏర్పాట్ల కోసం స్థలాలను పరిశీలించారు. ఈ నెల 24 నుంచి బీజేపీ రాష్ట్ర అధ్యక్షుడు బండి సంజయ్ పాదయాత్ర చేపట్టనున్నారు. పాదయాత్రను గోల్కొండ కోట, ఆరె మైసమ్మ దేవాలయం, మొయినాబాద్ క్రాస్ రోడ్, చేవెళ్ల క్రాస్ రోడ్, మన్నెగూడ చౌరస్తా, వికారాబాద్, మొమిన్ పేట, సదాశివపేటల మీదుగా కొనసాగనున్నాయి. ఆయా ప్రాంతాల్లో ప్రజలను ఉద్ధేశించి మాట్లాడేందుకు అనువైన స్థలాలను గుర్తించారు. పాదయాత్రకు అవసరమైన ఏర్పాట్లు, జన సమీకరణ వంటి అంశాల బాధ్యతలను స్థానిక కార్యకర్తలకు అప్పగించారు.