అభివృద్ధే మా లక్ష్యం: ఎర్రబెల్లి

పల్లెలు, పట్టణాల అభివృద్ధే లక్ష్యంగా తెలంగాణ ప్రభుత్వం కృషి చేస్తుందని మంత్రి ఎర్రబెల్లి దయాకర్ రావు అన్నారు. జనగామలో ఏర్పాటు చేసిన పల్లె, పట్టణ ప్రగతి సమ్మేళనంలో ఆయన పాల్గొన్నారు. ఈ సందర్భంగా ఎర్రబెల్లి మాట్లాడుతూ.. పల్లెప్రగతి కార్యక్రమంలో గ్రామాలు అభివృద్ధి బాటలో నడుస్తున్నాయన్నారు. స్వచ్ఛ గ్రామాలు.. ఆరోగ్య తెలంగాణకు సీఎం కేసీఆర్ చేస్తున్న కృషికి ప్రతి ఒక్కరూ భాగస్వాములు కావాలని మంత్రి పిలుపునిచ్చారు. పల్లెప్రగతిలో చేసిన విధంగానే.. పట్టణ ప్రగతి కార్యక్రమాన్ని విజయవంతం చేయాలని ఎర్రబెల్లి దయాకరరావు కోరారు.