బీజాపూర్ జిల్లాలో ఎన్ కౌంటర్

దిశ, వెబ్‌డెస్క్: ఛత్తీస్‌గఢ్ రాష్ట్రం బీజాపూర్ జిల్లాలో ఎన్‌కౌంటర్ జరిగింది. శనివారం కుట్రు-కేత్నుల్నార్ దగ్గర పోలీసులు- మావోయిస్టుల మధ్య కాల్పులు చోటు చేసుకున్నాయి. పోలీసులు జరిపిన కాల్పుల్లో ఫర్సేఘాట్ యాక్షన్ టీమ్ కమాండర్ సయాబో హతం అయ్యాడు. ఘటనాస్థలంలో పిస్టల్, బాంబులు, నిత్యావసరాలను పోలీసులు స్వాధీనం చేసుకున్నారు. మావోయిస్టుల కోసం పోలీసులు గాలింపు కొనసాగిస్తున్నారు. చనిపోయిన మావోయిస్టు సయాబోపై రూ.8లక్షల రివార్డు ఉంది.